Suku 66 Seidauk Asesu Eletrisidade, KAETL Planu Dada Uluk Ba Suku 31
Naunil Media (Díli), Prezidenti Konsellu Adminitrasaun Eletrisidade Timor-Leste, Empreza Públiku (KAETL-EP), Paulo da Silva hateten, tinan 2021 sei dada uluk eletrisidade ba suku 31 ne’ebé mak seidauk asesu ba eletrisidade Iha Teritoriu Timor laran.
“Tinan ida ne’e planu ona atu dada eletrisidade ba suku 31, ne’ebé mak sei dauk asesu ba eletricidade” İnforma Prezidenti EDTL Paulo da Silva ba jornalista sira hafoin sorumutu ho Primeiru Ministru (PM), Taur Matan Ruak iha Palásiu Governu, kinta (18/02).
Nia hateten maske total suku neen nulu resin neen (66), mak seidauk Aseseu ba eletrisidade, maibé tanba kestaun osamentu disidi dada uluk ba suku tolu nulu resin ida (31).
“Planu deseñu kompletu hotu ona, iha posibilidade bele aumenta tan suku balun ne’ebé seidauk asesu ba eletrisidade iha teritoriu”, Tenik nia.
Tuir nia total Orsamentu ba projeitu ne’ebé uza hodi dada ahi ba suku 31 ho montante $11.0000, miloens.Emj4/Mjy
