Impaktu Husi Udan, Anin Estraga Inan Faluk Joana Nia-uma
Naunil Media (Liquiçá), Akontese Udan ho Anin ne’ebé foin akontese iha loron, 18 fevereiru ne’e, Kuaze komunidade balun nia uma mak hetan estragus, tanba sobu husi anin
Tuir xefi aldeia husi Gugleur postu Administrativu, Munisipiu Liquiça Jonio dos Santos Gonçalves informa husi via telefónika deklara inan feton faluk Joana nia uma hetan estraga ka sobu husi anin. Hafóin udan no Anin boot iha, sesta madrugada (02:34 OTL, 18/02).
“Akontesimentu udan no anin bo’ot hodi sobu no estraga inan faluk Joana Nunes nia uma iha oras 2 madrugada”, İnforma xefi aldeia Jonio dos Santos Gonçalves ba jornalista Naunil Media, sesta feira (19/02).
Nia hatutan, akontesimentun ne’e sasan uma laran estragus total, hanesan roupa, sasan dapur nian, kadeira, no seluk tan.
“Inan faluk Joana Nunes moris mesak no nia oan la iha, nia kaben ho Alarico Afonso, husik ona nia iha mundu seluk iha tempu okupasaun İndonesia” konta Lideransa lokal ne’e.
Tuir Xefi Aldeia ne’e klarifika İnan faluk Joana ho nia kaben Alarico Afonso sira nain rua nia oan la iha.
“Durante ne’e inan faluk Joana moris mesak no la hela hamutuk ho ema ida. Inan faluk nia familia sira hela dok husi nia, no dadaun ne’e nia hela hamutuk ho viziñu sira hein apoiu husi parte sosiál nian”
Nia hateten n’uudar xefi aldeia nia ajuda foti ona inan faluk nia dokumentus sira hanesan facha familia, kartaun eleitoral nune’e bele enkamina ba xefi suku hodi bele hetan apoiu emerjénsia husi sosiál munisipal nian
Autoridade ne’e deklara hafoin akontesimentu ne’e akontese,husi parte sosial tuun direita hodi observa.Maibé seidauk simu ajudus emerjensia.
Inan faluk Joana Nunes dadaun ne’e kompleta tinan 76. Inan ne’e hela iha aldeia Lissa-Lara, suku Gugleur, Postu Administrativu Maubara, Munisípiu liquiçá.Lop
