Carlos Mate Iha Mota Laran , Deskonfía ‘Strom’ Husi Cabu Elétrisidade

Naunil Media (Liquiçá) iha loron, 20 fulan fevereiru, Akontes joven ida naran Carlos Carion (42) husi suku Vatuboro Postu Adminstrativu Maubara, munísipiu Liquiçá mate iha mota laran. dekonfia strom ka soke husi cabu eletrisidade ne’ebé monu tama mota laran.

Tuir xefí suku Vatuboro Julito dos Santos informa, husi via telefónika deklara,cabu ne’ebé monu tama be’e laran. Dada husi nain ba kompañia Loping Lda, hodi hakiak boek iha parte tasi ibun Vatuboro Maubara nian.

“Kronolojia loloos husi Carlos nia mate. Iha dadersan maisumenus tuku 08 :15 otl, matebian ba hare’e nia toos iha mota ninin.Nia to iha ne’ebá nia hare’e mota ne’e komesa bo’ot dadaun. Entaun nia ba husik bee labele halai tama ba nia toos. Nune’e nia kaer sala fiu eletrisidade ne’ebé mak monu iha mota laran hodi resulta Carlos Carion mate iha fatin ” informa xefi suku Vatuboro Julito dos Santos ba jornalista Naunil Media liu husi via telefonika , domingu (21/02)..

Autoridade lokal ne’e klarifika, hafoin matebian ne’e mate iha mota laran. Matebina nia rian nain rua Marciano Campus, ho Marcelino dos Santos Gonçalves, koko hodi salva. Maibe la konsege tanba matebian belit metin iha fiu. Nune sira nain rua informa kedan ba familia inklui autoridade lokal.

‘‘ Akontese, ha’u kontaktu kedas parte Polisia Nasionál Timor-Leste esquadra Maubara nian hodi tuun ba foti dadus. Hafoin foti dadus husi parte familia la autoriza hodi halo otopsia,nune parte rua evakua mate isin ba nia rezidensia hodi lao tuir tradisaun’’

Hafoin entrega matebian ba familia. Nia parte kontaktu kedas nain ba komapañia Lonpin Lda. Maibé nain ba kompañia la atende.

Matebian Carlos, moris iha vatuboro liquiçá, iha tinan 1979. Nune iha loron 20/02/2021 matebian hakotu iss hodi husik hela nia kaben, Ana joanina, ho nia oan mane nain 3 inklui feto rua. LOP