Timoroan 3500 Servisu Iha Korea, Belarmino : Rekrutamentu La Fihir Ba Kór

Naunil Media (Díli), Xefe departamentu empregu no orientasaun profisionál husi SEFOPE, Belarmino da Cruz deklara,   timoroan hamutuk nain 3500  serbisu iha Korea do Sol ba prosesu rekrutamentu Sekretariu Estadu formasaun profisionál Empregu (SEFOPE) la fihir kor tanba kandidu  sira teste liuhusi  via  online.

Xefe departamentu empregu no orientasaun profisionál husi SEFOPE, Belarmino da Cruz ba jornalista sira liuhusi ninia diskursu  iha semináriu komemorasaun  loron mundiál justisa sosiál, iha salaun Xanana Raedeing Room, Bidau, sábadu (20/02). 

Tuir  Belarmino, SEFOPE  programa   maka kria kondisaun oi-oin no kria kondisaun oportunidade ba empregu nune’e iha  tinan 2009   governu Korea fó lisensa  ba serbisu ba Timoroan  sira ate agora ema ne’ebé servisu iha Korea  hamutk nain 3500.

“Agora ema ne’ebé servisu iha Korea do Sul besik 3500 atu ba serbisu iha ne’ebá la’ós fasil, dala ruma ema balun dehan SEFOPE hili ema haree husi kór, maibé la’e, sistema ne’e estabelese husi Korea do Sul.  Teste  liuhusi sistema online  presija saúde di’ak, fiziku di’ak”, dehan Belarmeno.

Nia  dehan, joven sira hakarak asesu ba formasaun profisionál   sei presija bilieti indentidade no sertifikadu edukasuan formal  balun, sertifikadu  hodi hatudu prova ba SEFOPE  hodi bele prenxe ba sistema.

“Entaun ami regista sidadaun hotu ne’ebé iha interese hodi buka servisu, ami la konsela sira, oinsá sira bele servisu ba sira-nia futuru”, nia informa.

Alende ne’e nia dehan, SEFOPE sei tau atensaun ba igualdade jeneru  no oportunidade ba programa sira ne’e, tanba durante ne’e SEFOPE atende grupu hamutuk 489.

“Iha programa ida naran auto-empregu ne’e ita tenke tau atensaun makaas ba igualidade kriasaun oportunidade ba empregu liu-liu ba auto-empregu ba graduadu, komunidade no programa auto-empregu ba ema ho defisiénsia. Husi númeru ne’ebé mak SEFOPE atende no finasia totál grupu ne’ebé iha agora 489 husi totál ne’e feto mak barak liu mane.  Entaun  ida ne’e hatudu  katak, polítika governu nian oinsa para atu halo balansu uituan asesu ba programa SEFOPE nian”. nia subliña.

“Númeru  timoroan sira asesu ne’ebé serbisu iha nasaun Australia hahú 2012 to’o agora hamutuk nain 4000 ona. Ita  laharee ema ne’e mai husi ne’ebé maibé realidade Timor-Leste hatudu performance di’ak. Iha  programa ne’e   involvimentu feto  sai 3 lugar”. Tenik nia. Rit/Del