Admnistradór Manufahi Husu Negosiante Labele Manipula Folin Sasan
Naunil Media (Manufahi), Prezidenti Autoridade Munisipiu Manufahi, Arantes Isac Sarmento, husu ba negosiante sira, atu labele aproveita oportunidade hodi manipula Folin sasan iha Merkadu.
Autoridade munisipal, ható lia hirak ne’e hafoin ho ekipa tuun direita ba iha merkadu no loja sira hodi halo revista ba iha Folin sasan.
Tuir nia objetivu husi Revista ne’e tanba antes ne’e iha Media sosial balun halo públikasaun katak folin sasan nesesidade báziku sae iha Merkadu sira.
“Administrasaun munisipiu forma ekipa ida hanaran ekipa integradu ne’ebé ho relasaun ba iha parte ekonomia ninian, tanba ne’e ita hotu hatene iha ne’e servisu hamutuk ho Ministeriu Turismu Komersiu Industria pontu vokal Same ,no Komité Jestaun merkadu inklui parte saúde , estudante husi Eskola Sekundaria Tékniku Vokasional Gombatente Veteranus Manufahi (ESTV-GOVEM),” haktuir Arantes ba Jornalista tersa (23/02) iha Merkadu Same Vila.
Autoridade munisipiu ne’e Argumenta,mask Uluk iha ekipa ida tomakonta ba observa ai-han ne’ebé liu prazu. Nune’e ohin aumenta tan ekipa ida kontinua haknaar a’an hodi hare’e nesesidade báziku sira iha merkadu.
“Ami observa presu hirak ne’e tuir estandar ne’ebé mak iha,.” dehan autoridade ne’e.
Iha biban ne’e autoridade Munisipal ne’e kontinua alerta ba negosiante sira,atu kontinua faan sasan tuir standarisazaun ne’ebé legal.
Relasiona ho observasaun husi Ekipa Munisipiu Manufahi. Tuir Loja Luciano Da Cunha, hanesan nain ba loja Nove Irmão deklara , sasan ne’ebé mak Sira faan tuir folin sasa husi parte Nasional.
.NFM
