Bankada FRETILIN Husu ME Estandaríza Númeru Estudante iha Aula Laran
Naunil Media (Díli), Bankada governu husi partidu FRETILIN deputadu David Dias Ximenes “Mandati”, deklara no husu ba ministeriu edukasaun juventude no desportu (MEJD). Atu kria planu hodi estandariza númeru estudante iha aula laran, labele liu estudante 40.
“Husu ba Ministériu Edukasaun Juventude no Desportu (MEJD) atu hamosu planu ida hodi estandariza númeru estudante iha aula laran.atu koloka kada aula ida tenke iha de’it estudante másimu na’in tolu nulu (30).İnforma Deputadu Fretilin David Dias Ximenes ” Mandati” iha uma fukun PN, segunda feira (22/02).
Reprezentante povu iha uma fukun PN ne’e deklara wainhira akumula estudante liu 40 ka 50 iha aula ida, sei implika ba prosesu avaliasaun profesor sira nian ba estudante sira.
“Edukadór sira tenke eduka estudante sira ho kualidade nune’e estudante sira bele sai estudante ne’ebé matenek iha futuru”, Tenik Mandati.
Hatan ba kestaun sira , Ministru Asuntu Parlamentar no Komunikasaun sosiál (MAPKMOS), Francisco Martins da Costa Pereira Jerónimo hateten preokupasaun deputadu sira nian, sei enkamiña ba Ministériu Edukasaun Juventude no Desportu bele buka solusaun ba asuntu hirak ne’e. Ana
