Funsionáriu Husi Protesaun Sivil Na’in-2.000 Prontu Simu Vasina Covid-19
Naunil Media (Díli), Diretór Jerál Protesaun Sivil (DJPS) Superentidente Xefe Polísia Ismael da Costa Babo informa funsionariu protesaun sivil hamutuk na’in-2.000 prontu simu Vasina tanba atu serbisu tenke hetan prevensaun ba moras Covid-19.
“Protesaun sivil mós konsidera Vasina importante mak sira halo sosializasaun nomós oportunidade vasinasaun ne’e sei realiza iha tempu badak. Protesaun sivil hanesan liña promeiru ba vasinasaun tanba ne’e funsiunariu hamutuk na’in-2.000 mil sira preparadu fizikamente hodi simu vasina COVİD-19”, Superentidente xefe Polísia Ismael da Costa Babo ba jornalista sira, iha edifísiu Ministéiru Interior Vila-Verde, kuarta (24/02).
Nia subliña, Ministériu Saúde, Organizasaun Saúde Mundial (OMS) hamutuk ho UNICEF halo sosialisasaun adovokasia hodi introdusaun ba prevensaun Covid-19, tanba ne’e protesaun sivil hanesan mós importante ida ba liña frente bainhira akontese situasaun ruma liu husi sistema siguransa nasionál.
Ikus Nia dehan, vasinasaun la’ós obrigatóriu maibé voluntariamente halo vasinasaun, hanesan ajente patrimóniu estadu nian antes estadu fó serbisu ba nian ajente sira mós iha konfiansa nune’e sira bele hetan seguru. Ina/Nel
