Ramos Horta : Kontribuisaun Universidade Iha TL Importante Apoiu Paz
Naunil Media (Díli), Eis-Presidente Repúblika (PR), José Manuel Ramos Horta , hateten, kontribuisaun universidade sira iha Timor-Leste (TL) ne’e importante tebes hodi apoiu paz no eduka ema sai di’ak.
Eis-Presidente Repúblika (PR) Dr. José Manuel Ramos Horta ba jornalista sira, iha Universidade da Paz (UNPAZ), Osindo 1 Manleuna, tersa (23/02).
Laureadu Novel da Paz, José haktuir, ohin haree Kondisaun ba fundadór UNPAZ no administrasaun sira ne’ebé mak hari’i instituisaun akademika ida ne’e. Osan ne’ebé husi estudante sira-nia hodi halo universidade sai kualidade.
“Ne’e hanesan sorte di’ak ba ita-nia nasaun, estadu no governu Timor-Leste tanba UNPAZ hahú hari’i estudante la to’o 2000 mil, maibé agora estudante riuhun 10 resin bele kontribuisaun bo’ot ba nasaun paz. Estudante sira buka atu estuda fatin la hetan, oinsan mak sira bele ba liur no balun ilegal, balun tama krime tanba ne’e papel universidade ne’e inportante hodi eduka ema sai di’ak ”, dehan Horta.
Alende ne’e nia dehan,“sempre defende ideia tanba polítika nian realidade ekonomika sosial iha rai Timor osan la iha ita hotu-hotu triste, maibé rai ne’e iha osan fundus petrolíferu iha montante 18 miloes ba leten”.
Iha okajiaun ne’e mós nia, apresia ba governu Timor-Leste tanba tau orsamentu ba relijaun sira hanesan Katólika, Protestante no Musulmanu tanba uniku Timor-Leste mak tau orsamentu espesial.
“Ha’u konkorda no ha’u fó parabéns ba governu tanba Timor uniku nasaun iha mundu halo orsamentu espesial ba igreja sira ba subsidiu direitu instituisaun universidade sira tanba hatudu seridade ba governu tanba ne’e estuda tenki elizibilidade para sira rekruta professor sira karik selu di’ak oituan”, nia subliña.
“Ha’u triste uituan tanba deputadu polítiku sira manán osan bo’ot sira kontente kada fulan simu to’o 5 mil, maibé la hatene ema ki’ak sira mak prepara ita-nia beioan sira-nia futuru”. tenik nia
Nia sujere, governu presija aloka orsamentu ba instituisaun universidade privadu sira para hadia vensimentu, sosa ekipamentu, loke espesial bolsu estudu. Ipe
