DJPS Ismael : Alerta Komunidade Konsiensia Prevensaun Risku Dezastre Naturál
Naunil Media (Díli), Diretór Jerál Protesaun Sivil (DJPS), Superintendente Xefe Polísia Ismael da Costa Babo, alerta ba komunidade sira tenki iha konsiénsia hodi halo prevenesaun risku dezastre naturál.
DJPS Superintendente Xefe Polísia Ismael da Costa Babo ba jornalista sira, iha edifísiu Ministériu Interior Vila-Verde, Kuarta (24/02).
“Situasaun enjeralmente halo ona prevensaun fenómena naturál liuliu la niña nian, alerta nafatin ba populasaun tomak, barak mak iha ona konesementu hodi halo prevenesaun ba risku sira ne’e”, dehan Ismael.
Xefe Polísia Ismael hatutan, dezastre naturál ne’ebé akontese protesaun sivil rejista mak hanesan estraga uma, rai halai, bee sa’e, ai hanehan uma, anin sobu uma no insendiu.
“Maibe balun akontese dadauk sai hanesan vítima ba risku dezastre naturál ami protesaun sivil sempre fó apoiu nafatin”. Tenik nia.
“Ami mós alerta nafatin ba ami-nia maluk pessoal protesaun sivil sira iha munisípiu kordena nafatin ho autoridade lokál sira hodi akompaña situasaun dezastre saida de’it, ita bele halo asaun rapidu apoiu emerjénsia ba komunidade sira”. hakotu nia. Nel
