ESG 5 Maiu Sei Kumpri Nafatin Regra Prevensaun COVID-19
Naunil Media (Díli), Diretór Eskola Ensinu Sekundáriu Gerál 5 de Maiu Bekora Manuel Verdial hateten, ESG 5 de Maiu sei nafatin regras prenvensaun Covid-19 ne’ebé sirkula iha mundu inklui iha Timor-Leste (TL).
Diretór 5 de Maiu Bekora Manuel Verdial ba Naunil Media, iha knaar fatin ESG 5 de Maiu Bekora, Bekora, tersa (23/02).
Tuir Manuel prosesu apredisajen la’o normál, maibé ESG 5 de Maiu liuhusi professor no hamutuk ho inan-aman sira kria ambiente situasaun normál fahe aula ba neen hodi kumpri regra prevensaun Covid-19.
“Dau-daun ne’e ita iha hela prevensaun surtu Covid-19 ne’ebé ami sei fahe ba turma neen (6), maibé sei iha hela turma tolu (3), terseiru 3 anu ketak, segundu 2 anu no primeiru anu 1, preparasaun masimu ba regra prevensaun no kria distansia sosiál atu labele hetan moras Covid-19”, dehan Manuel.
Diretór ne’e hatutan, jestaun ba klase mak hanesan primeiru anu (1) fahe ba turma rua husi siénsia sosiais, primeiru anu (1) husi siénsia teknólogia, no seguindu (2) anu, no siénsia teknólogia prosesu apredisajen durante iha aula oras 1, no teseiru (3) anu prosesu apredisajen iha aula durante oras 3 nune’e bele halo distansiametu sosial.
Manuel relata, estudante teseiru 3 anu siénsia teknólogia total hamutuk na’in-300 ne’ebé uza sala 13 hodi implementa distansiamentu sosiál tuir ona regras husi organizasaun saúde mundial (OMS).
Ikus nia dehan, iha estratejia implementa lockdown (hela uma) ne’ebé govenu implementa iha Oe-Kuse, Maliana no Suai hanesan ne’e mak di’ak. Eskola 5 de Maiu sei nafatin kria distansiamentu sosiál iha eskola no dadaun ne’e estudante ne’ebé ativu hela totál hamutuk na’in-2.136. Jho/emj5
