FEATUREDGeralIkus LiuNews

EU Kontinua Kooperasaun Ho Timor-Leste Hodi Luta Kontra Hasoru COVID-19

Fahe Tutan

Naunil Media (Díli), Embaixadór Uniaun Europea iha Timor-Leste, Andrew Jacobs, informa Uniaun Europea (EU) deside kontinua nafatin kooperasaun ho  Timor-Leste (TL) hodi luta kontra hasoru covid-19 no apoiu.

Embaixadór EU  iha Timor-Leste, Andrew Jacobs  ba jornalista sira hafoin sorumutu ho Vise-Primeira Ministra no Ministra Solidariedade Sosiál no Inkluzaun (VPM-MSSI), Ministra Armanda Berta dos Santos sorumutu ba asuntu kooperasaun entre EU no Timor-leste  ba tinan 2021 to’o 2027, iha salaun Gavinite VPM-MSSI, Kaikoli, kinta (25/02).

Tuir Embaixadór EU Andrew  sente ondradu tebes hodi hasoru vice primera Ministra ko’alia kona-ba kooperasaun entre Timor Leste no Uniaun Europeia (UE) diálogu polítiku nivel aas  ko’alia kona-ba Kooperasaun iha futuru entre Timor Leste no Uniaun Europeia ne’ebé mak sei kobre iha 2021 to’o 2027.

“Ha’u halo ona diskusaun ho ministeru sira kona-ba programa iha futuru hamutuk ho sosiedade sivil, setór privadu no parseiru dezenvolvimentu sira seluk. Ami konkorda haforsa parseiru ho Timor-Leste, valór demokrásia direitus, umanus multi-lateralismu no defesa no orden internasionál bazeia ba estadu Direitu.  

Uniaun Europeia sei kontinua apoiu Timor-Leste  luta hasoru Covid-19. Ita sei fó apoiu ba servisu Organizasaun Mundial Saúde (OMS) nian no ita sei   ajuda mós ema sira ne’ebé vulneravel liuhusi organizasaun sosiedade sivil sira nian”, dehan Andrew.

Alen de ne’e diplomata dehan, relasaun ho vasina Uniaun Europeia no  nasaun membru sira finaliza 50% husi orsamentu fasilidade Global COVAX nian ne’e dollar biliaun Ida. Tanba lakleur Tan sei halo vasina uluk ne’ebé disponivel iha Timor-Leste. inportante ba uniaun europeia katak nasaun parseiru sira hotu iha asesu ba vasinasaun. tanba la iha ema ida mak seguru husi covid-19 too ema hotu moris hakmatek.

“Ami propoin atu konsentra ami-nia apoiu iha primeru rekoperadu no dezenvolvimentu ekonómia ne’ebé barak no sustentavel ida ne’e sei inklui, diversifikasaun ekonómiku, dezenvolvimentu setór privadu, dijitalizasaun no formasaun teknika profisionól, no inklui mós integrasaun no komersiu rejional, inklui apoiu prepara adezaun ba Asosiasaun Nasaun Sira Iha Sudeste Aziátika (ASEAN-sigla engles) no Ami mos planeia atu apoiu enerjia renovavel”, nia subliña.

Segundu ne’e nia dehan, boa governasaun, inklui ametin setór públiku liu-liu kestaun finansa públiku no inkluzaun sosiál no nutrisaun.

“Ami-nia progarama iha futuru bazeia ba Timor-Leste nian planu dezenvolviment, liu-liu ba estratezia Rekuperasaun Ekonómiku”. Tenik andrew

Nia dehan, UE sei inplemanta nian programa Kooperasaun ho Timor-Leste no hamutuk ho Portugal Banku Investimentu Europeia, liuhusi adezaun ba forsa sira bele haboot liután poténsia apoiu husi EU. Ipe

Leave a Reply

Your email address will not be published. Required fields are marked *