Liafuan Fukit Manu-Fulun, Lere : Hamonu Dignidade Jovens Servisu Iha Estranjeiru
Naunil Media (Díli), Relasiona ho Ministru Agrikultor no Peskas (MAP), Pedro dos Reis nia-liafuan ba joven sira labele ba fukit manu-fulun, Xefe Estadu Maior Jenerál FALINTIL-FDTL Majór Jenerál, Lere Anan Timur, hateten liafuan ne’e hamonu dignidade joven sira ne’ebé hala’o serbiru iha estranjeru.
Xefe Estadu Maior Jenerál FALINTIL-FDTL Majór Jenerál, Lere Anan Timur ba jornalista sira hafoin sai oradór ba orentasaun akademika 2021, iha Universidade da Paz (UNPAZ), Osindo I Manleuana, kuarta (24/02).
“Ita rona iha media Ministru Agrikultor no Peskas (MAP) ninia liafuan dehan katak joven sira labele ba fukit manu-fulun iha rai liur de’it ne’e, ministru ko’alia sala, hatun dignidade ita-nia joven sira ne’ebé bá serbisu iha liur. Maibé, hau-nia pozisaun saida fukit manu-fulun ka kuu saburaka ne’e depende ba joven sira”, dehan Lere.
Majór Jenerál Lere hatutan, joven sira sibilizadu sira ba ema nia rai di’ak mak sira lori fila osan mai, maibé sira lakon sira-nia dignidade, sira-nia ondra nu’udar nasaun ninia oan, nia osan-mean ida.
“Ita-nia na’in ulun sira dala ruma la hatene, imi sira ne’ebé iha ne’e aban bain rua la hetan servisu imi sei diskriminadu dala rua, iha ita-nia rai laran mós diskriminadu ba ema nia rai mós ema sei diskriminadu imi”. Tenik líder F-FDTL ne’e.
Entretantu governante MAP hasai liafuan ne’e iha loron (kinta 03/12/2020), iha edifísiu UNTL Polítekniku Hera, nia dehan Timoroan sira labele ba fukit fali manu-fulun iha rai liur, maibé fila-fali mai ba munisípiu hodi halo to’os no natar hodi prienxe ba programa sexta bázika. Ipe
