Inan Grávida Tenke Hetan Atendementu Husi Profesionál Saúde Sira

Naunil Media (Díli), Vise-Ministru Saúde (MS), Bonifacio Maucoli dos Reis, informa inan grávida tenke hetan atemdementu husi profesionál saúde sira no asesu ba fasilidade saúde tanba inan ho oan   importante.

Vise-MS, Bonifacio Maucoli dos Reis  ba Jornalista sira, iha Senteu Saúde Komoro, kinta (25/02).

“Programa ne’ebé mak dadaun pesaol saúde hala’o ne’e di’ak tebes ba inan isin rua sira atu nune’e bele fasilita sira bainhira iha tempu gravida nia laran. ita hein katak ba oin sei la’o ho di’ak, antes sira partus ne’e sira tenke ba  hetan atendementu husi profesional saúde dala haat no halo mós akompañamentu ba sira bainhira sira partus”, dehan  Maucoli.

Vice Ministru ne’e  hatutan, bainhira to’o semana tolu ka haat no iha primeiru semana ne’e mak dala barak inan isin rua sira banhira bebe sira mate tanba la akompaña husi profesional saúde sira, tan  ne’e ba inan isin rua sira importante liu ba sira mak tenke akompaña huis profesáinal saúde sira.

“Programa  inan   sira ne’ebé mak lahetan informasaun sira bele hetan liuhusi mensajen ka telemovel sira ne’e importante ba sira maibé presija mós husi autoridade sira hotu hanesan autoridade lokál xefi suku no xefi adeia sira ho konsensia sira ne’e hotu katak saúde inan ho oan ne’e importante tebes”. Teni nia.

Governante ne’e subliña, guvernu la’ós haree de’it ba ema ida maibé programa preoridade   VIII Governu konstitusional mós haree ba saúde inan ho oan nian.

Iha fatin hanesn Embaixadór Australia Peter Roberts hatutan, senti kontenti tebes ho programa Liga Inan ne’e efetivu no simples bele liga inan isin rua ho pesoal saúde sira hodi fahe infórmasaun  no bele halo komunikasaun.

“Bele halo ligasaun ba pesoal saúde sira hodi suporta ba inan no oan nia saúde, tinan-tinan Australia serbisu hamutuk ho ministeriu Saúde hanesan parseiru hus  hodi suporta programa ne’,e iha tinan ida Australia suporta osan  ba programa  ne’e hamutuk $1 Milliaun, husi $1 miliaun  ne’e bele liga inan isin rua barak”. Dehan Peter.

Peter klarifika, kria ligasaun ho inan isin rua ho total hamutuk rihun ualu nolu (8.000) ligasaun pesoal saúde ho inan isin rua husi tinan  2013 AID mak apoiu  husi tinan  2015-2017 mak Governu Australia fó apoiu, husi 2015 -2021 ne’e mais ou menus   8  miloens.

“Ba futuru Ministériu Saúde sei jere programa ne’e tanba ita hotu hatene programa ne’e di’ak no fó benefisiu ba Timor oan ba liuliu ba inan isin rua sira tanba ne’e ministériu saúde kontinua serbisu hamutuk hodi suporta inan isin rua iha Timor-Leste”. Hakotu Peter. Ina