MESSK Oferese Bolsu Estudu Ba Kbi’it Laek na’in-410 Asesu Universidade Privadu iha TL
Naunil Media (Díli), Ministru Ensonu Superior Siénsias no Kultura (MESSK) Longuinhos dos Santo, informa MSSEK oferese bolsu estudu ba povu kbi’it laek hamutuk na’in-410, asesu universidade privadu sira iha Timor-Leste.
Ministru Ensonu Superior Siénsias no Kultura (MESSK) Longuinhos dos Santo ba jornalista sira liuhusi komunikadu imprensa, iha edífisiu Ministériu Ensinu Superior no Kultura, iha Kolmera, kinta (25/02).
”Bolsu estudu ba kbiit sira ne’e totál ne’ebé maka ita persija iha tinan ida ne’e hamutuk na’in910, purtantu 910 ida ne’e metade ba ona UNTL hela 410 ne’e bele destina ba ensinu superior privadu sira iha Timor-Leste”, dehab MESSK Longuinhos.
Ministru Longuinhos hatutan, prosesu rekrutamentu ba bolsu estudu ba kbiit laek nian sira presiza dokumentus husi ministeiru relevante no bele nune’e asesu ba UNTL.
“Rekejitus ne’ebé prepara primeiru sidadaun Timor oan, segundu presiza hetan deklarasaun husi ministériu relevante hanesan ministru solidariedade sosiál no inkluzaun, katak los duni ka lae benefísiariu ne’e mai husi familia kbiit laek, no dokumentus sira ne’e presiza halo kompleta primeiru formulariu ne’ebé oferese husi Fundu Dezenvolvimentu Kapital Umanu (FDCH), segundu konforvativu kartaun identidade Timorense, kurikulum Vitae CV, diploma habilitasaun ba akademíka objetivu ida katak sidadaun Timor oan ne’ebé hetan bolsa hakbiit, los duni nia mai husi família kbiit laek”, Tenik MESSK Longuinhos.
İkus liu nia dehan, diploma ministeriál ida ne’e ohin (red-horseik 25/02) aprova ona, hahú ba oin prosesu la’o dadaun taka iha fulan marsu 2021, tuir regras kalendariu akademíka ne’ebé fó sai husi ensinu superior privadu sira. Mel/leo
