MS Ofisialmente Entrega Kareta Ambulansia 11 Serbisu Saúde Munisípiu 9

Naunil Media (Díli), Iha Sexta (26/02) ne’e,  Ministra Saúde (MS), Odete Maria Freitas Belo ofisialmente entrega kareta Ambulansia hamutuk 11 no kareta operasionál 8 ba serbisu saúde munisípiu 9.

Ministra Saúde (MS), Odete Maria Freitas Belo ba jornalista sira hafoin entrga kareta  ba responsabel munisípiu 9, iha Palasiu Sinzas, Kaikoli ohin.

Ministra Odete hakturi,  Ministériu Saúde serbisu hamutuk ho ajénsia no banku mundiál hodi kontrobui  Ambulansia 11 no kareta operasional 8 hamutuk 19 ba munisípiu. Apoia ida ne’e, antes Covid-19 akontese diretór sira prepara ona atu serbisu hamutuk ho ajénsia sira atu apoia ekipamentu mediku nian no balun mak apoia ambulansia.

“Iha duadór balun sira ne’ebé mak apoia ekipamentu mediku nian no balun mós apoia reajentes laboratórium, no ambulansia18 sei entrega uluk ba diretór sira. Iha   faze  tuir  Japaun mak sei apoia ita tan atu   bele kontribui  ba husi diretór saúde sira iha husi munisípiu”, dehan Odete

Nia hatutan, ohin intrega uluk ona Amulansia ba diretór sira husi munisípiu 9  hanesan Viqueque, Manufahi, Aileu, Likisá, Lautém, Covalima, Manatutu, Bobonaru, no Díli.

Iha fatin hanesan Diretór Saúde Munisípiu Lautém  Bernaldo Amaral Lopes hatutan, sente kontenti no agradese ba ministériu saúde tanba munisípiu  Lautém mós hetan ambulansia no ei koloka ba postu administrativu sira.

“Dezentende ne’e mosu relasiona ho ambulansia ne’ebé mak serbisu saúde  iha munisipio Lautém. Tanba antes kareta ne’e ba ami iha enkontru ho konsellu konpostu husi diretór xefi sentru saúde no xefi departementu sira no ami deside ba área sentru saúde Lautém ho area hospital referal Eduardo Ximenes Baucau tanba ne’e ami deside bainhira iha pasiente ruma la bele lori tan ba Lospalos no bele lori ba Baucau”,  Bernardo informa.

Nia hatutan,  desidi ona katak koloka ambulansia ba iha Luro hodi fasilita komunidade, maibé ikus mosu fali dejentendementu no iha fali ordem katak ambulansia tenki koloka fali  ba sentru saúde Iliomar ne’ebé baliza ho Viqueque.

“Pasiente ne’ebé mak husi Luro ho Lautém ne’e diretamente ba Baucau no laprejisa lori ba Lospalos tanba bainhira lori ba iha Lospalos sei labele atende tanba ne’e lori diretamente ba iha Baucau”. Tenik nia.

“Ambulansia balun avaria hela seidauk bele hadia,  ami halo ona pedidu ba iha nasionál maibe osan seidauk iha tanba ne’e iha tempu badak nian laran sei hadia fila-fali entaun iha postu administrativu iha hotu ona ambulasia multifunsaun.Ina