Kazu Covid-19 : Hahu Akontese Ona Transmisaun Lokál Iha Covalima
Naunil Media (Dili), Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (TL), Rui Maria de Araújo, relata kazu foun Covid-19 ne’ebé dadaun ne’e identifika, iha ona transmisaun lokal.Tanba pasiente refere kontaktu ona pesoal balun, Iha Covalima.
Tuir Kordenador ne’e deklara pasinte ne’ebé dadaun ho sintomas surtu covid-19 ne’e, hela iha aldeia Onu-laran, Suku Maudemu, Postu Administrativu Tilomar munsipiu Covalima.
“Kazu konfirmadu foun ida ne’e, mane, tinan 42, servisu nu’udar estensionista, halo kontaktu ho KPK entre ,iha loron 11 to 13 Fevereiru 2021, Kazu konfirmadu foun ne’e informa katak nia seidauk halo viajen sai husi Covalima, maibé iha kontestu hala’o ninia kna’ar nu’udar estensionista, nia halo kontaktu ho kolega servisu, ho mós superior ierárkiku iha servisu munisipal agrikultura, Covalima, inklui mós ho populasaun balun iha Tilomar & Fatumea,” deklara Rui Maria ba jornalista sira iha iha sala situasaun CCD Sabadu ( 27/02 ).
Kordenador ne’e hatutan Kazu foun ida ne’e, hamosu indikasaun transmisaun lokal iha agrupamentu /cluster Klauhalek, hada’et tutan, ka espalla ona to’o Aldeia Onu-laran, Suku Maudemu, Tilomar, no iha mós possibilidade hakda’et ka espalla ona iha Suai vila, ho fatin seluk tan iha Covalima nia laran.
“Ekipa konjunta husi vijilánsia epidemiolójika nivel nasionál, laboratoriu nasionál saúde, Servisu Munisipal Saúde hamutuk ho autoridade administrativa Covalima, ne’ebé integra iha Unidade Territórial CIGC-SS, Munisipiu Covalima nian, oras ne’e dadaun hatun ekipa 4, hodi
buka-tuir ona ema hotu ne’ebé halo kontaktu-besik ho kazu foun ida ne’e”, tenik nia.
Nia mós apelu ba komunidade sira Apela ba populasaun iha Salele, Suai Vila no Covalima nia laran tomak, atu labele pániku, no tuur hakmatek iha Uma. IVo
