TL Rejista Kazu COVID-19 Pozitivu Foun Na’in-Rua iha Kovalima

Naunil Media (Díli),  Kordenadór forsa terefa prevensaun no mitigasun Covid-19,Rui Maria de Araujo informa, Timor-Leste (TL) rejistan tan kazu Covid-19 pozitivu foun na’in-rua  iha munisípiu Kovalima.

Kordenador forsa tarefa Dr. Rui Maria de Araújo ba jornailsta sira, iha ofisial  sala  situasaun-Sentru integradu jestaun krizi, iha Centro Convenções Dili (CCD), Domingu (28/02).

Dr. Rui informa husi kontaktu ne’ebé halo ona ho kazu Primária  klauhalek (KPK) estensionista ema ida ne’ebé hela iha Aldeia Onu-Laran, Suku Maudemu Postu Administrativu Tilomar Konfirmadu pozitivu.

Iha suku ne’ebé halo kontaktu besik no estensionista ne’e, 27 fevereiru husi ekipa saúde rekolla ona dadus ho totál hamutuk 90 amostra, husi aldeia Kalihalek, Aldeia Belulik Kraik, Postu Administrativu Fatumea no Aldeia Onu-laran, Suku Maudemu Postu Administrativu Tilomar, Suai Villa.

“Amostra hirak ne’e, seidauk halo hotu analiza, maibe husi 47 amostra ne’ebé halo ona análiza labotatorium mak iha tan kazu konfirmadu nain 2.  Husi  kazu konfirmadu nain 2 ne’e ema família uma laran husi estensionista no iha sira-nia uma laran hamutuk ema nain 9, nain 2 mak konfirmadu hetan konjunta ka (Household Secondary Attack Rate)”, dehan Dr. Rui.

Rui hatutam, kazu konfirmadu 2 ne’e iha munisípio Kovalima mós iha ona Cluster tan, Cluster Onu-laran.

“Husi família 12 ne’ebé mak iha hatudu negativu, maibé ekipa saúde sei moniteriza nafatin ema sira ne’e iha izolamentu profilaktiku obrigatoriu kuarentena tanba ne’e halo auto kuarentena iha ida-idak nia uma, husi amostra sira seluk  hirak ne’ebé rekolla sei halo hela analiza iha laboratorium”, nia informa.

Tuir dadus ne’ebé iha konfirmadu kazu pozitivu nain 2, husi kazu rekoperadu nain 1, husi kazu ativu 23  ema ne’ebe tama ilegal husi fronteira iha na’in-25 liu husi dalan regular hamutuk 17, no dalan legal ne’ebé mak autoridade sira detekta mak hamutuk na’in-11.

Nia firma,  husi lazu konfirmadu ne’ebé ohin anunsia ne’e na’in-1 estudante klase 5,  iha eskola bazika  sentral Salele Tilomar, husi ekipa saúde kordena ona autoridade relevante hodi buka tuir ninia kolega sira ne’ebé halimar hamutuk.

“Husu ba profesora inan aman no estudante iha eskola baziku sentral salele  nian, labele paniku  kolabora ho ekipa saúde atu nune’e wainhira iha estudante  hetan pozitivu la signifika nia bele hadaet virus ne’e ba ema hotu”, tenik nia.

Ikus nia husu, ba popolulasaun no komunidade husi Kovalima laran hakmatek iha fatin no labele movimentu ba mai, nune’e ekipa saúde munisípiu Kovalima bele foti tan amostra hodi halo teste. Ina