Tenente Jenerál Lere: “Ha’u Sei Uza Koñesementu Matenek Valoriza Povu no TL”

Naunil Media (Díli), Xefe Estadu Maiór Jenerál FALINTIL-Forsa Defesa  Timor-Leste (F-FDTL) Tenente Jenerál Lere Anan Timur hateten,  sei iha vida militár uza  konñesementu no matenek hakarak valoriza povu no rai doben Timor-Leste ba progresu  dezenvolvimentu.

Xefe Estadu Maiór Jenerál FALINTIL-Forsa Defesa  Timor-Leste (F-FDTL) Tenente Jenerál Lere Anan Timur Naunil Media asesu husi media ofisial Relasaun  Públiku Falintil Forsa Defeza Timor-Leste, iha tersa (02/03).

“Bainhira sei iha vida militár ha’u sei uza, ha’u-nia koñesementu no matenek hakarak valoriza ita-nia rain, ita-nia povu moris iha progresu no dezenvolvimentu nia laran.

Alende ne’e Xefe Estadu Maiór Jenerál Lere Anan Timur hatete,“iha ha’u-nia moris tama tan ba istoria foun, nudar lider nudar mos Iliomar oan, e ida ne’e hanesan ultima kareira ona mai hau atu ba fali kareira seluk, kareira militár atu remata hahú husi 1975 to’o 2021 mas polítik sira deside aumenta tan ba tinan ha’at, maibé ne’e ha’u mak sei deside sei tinan ha’at ka,tinan ida ka, tinan rua ka ne’e hau mak sei deside”.

Nune’e mós Lere enkonraja, “Ba Estudante EBC Caenlio Iliomar, ne’ebé mak lori figura ha’u-nia tau ba imi nia eskola, husu ba imi estuda makas atu sama tuir nafatin hau-nia ain fatin, ita-nia foho lulik matebian sira sei tulun imi sei sai mós Jenerál Iliomar oan ida hanesan ha’u, ida ne’e mak ha’u nia apelu ba imi”.

Iha okaziaun ne’e Xefe Estadu Maior Jeneral Lere Anan Timur husu  agradese ba estudante no komunidade Iliomar oan sira-nia solidariedade imi-nia domin mai ha’u ohin bele marka mós prezenja iha misa agradesementu ida ne’e.

Realiza misa agradesementu ne’e hafoin  Xefe Estadu Maiór Jenerál FALINTIL-Forsa Defesa  Timor-Leste (F-FDTL) Tenente Jenerál Lere Anan Timur simu poromosaun diviza ba postu Tenente Jenerál husi Prezidenti Repúblika (PR) Francisco Guterres,  iha parokia Nossa Senhora Do Rosario De Fatima, Illomar, Munisípiu Lautém, ne’ebé prezide husi amu paroku Iliomar Pe. Luis Claver,  iha sábadu (27/02).

Partispa iha misa agradesementu ne’e husi Vice-Primeira Ministra Ministra Solidaridade Isolial Inkluzaun (VPM-MSSI)   Armanda Berta dos Santos, Prezidente Autoridade Munisípiu Lautém Domingos Sabio “Lorasa”, espoza Tenente Jenerál Lere Anan Timur, Cidália Mesquita Ximenes, Familia, Autoridade Lokál Iliomar, estudantes, inklui mós komunidade Iliomar sira. */vit