PR Lú Olo Dekreta EE Ba Dala-XI, lockdown De’it ba Covalima
Naunil Media (Dili) Prezidente Repúblika (PR), Francisco Guterres Lú Olo, dekreta estadu emerjénsia dasanuluk-resin-ida ba loron loron tolu-nulu (30), hahú husi tuku 00.00 iha 4 marsu 2021 (kinta-feira) no ramata iha tuku 23.59 iha 2 abril 2021 (sesta-feira).
Iha Dekreta Estadu Emerjensia ne’e husi konsellu Ministru Disidi Atividade Lao hanesan Baibain. Maibe Komunidade Husi Covalima Nafatin Mantein Serka Sanitaria.
“Ohin Konsellu Ministrus deside mantein serka sanitária ba de’it munisípiu Covalima. Serka Sanitária signifika katak komunidade Covalima labele tama-sai ho liberdade hanesan horiuluk.Ba munisípiu sira seluk no RAEOA, sei la iha lockdown. Ita presiza tuir nafatin medida prevensaun: uza máskara, fase liman ho sabaun no halo distansiamentu sosiál” deklara Prezidenti da Republika Francisco Guterres Lu Olo iha Palasiu prezidensial Bairo Pité Dili (02/03/2020).
Tuir Deklarsaun iha Komunikdu ne’e Prezidente Repúblika dekreta Estadu Emerjénsia hafoin pedidu estensaun aprova iha Parlamentu Nasionál ho votus-a favor 53 no 12 abstensau .
Molok ne’e, iha 24 fevereiru, Prezidente Repúblika rona uluk Konsellu Superior Defeza no Seguransa no Konsellu Estadu molok haruka pedidu autorizasaun ba Parlamentu Nasionál hodi deklara estensaun estadu emerjénsia ba dasanuluk-resin-ida.
Tuir dadus husi Organizasaun Mundiál Saúde (OMS), iha 17 fevereiru 2021, infesaun husi virus Covid nian, SARs-Cov-2 iha mundu rejista kazu konfirmadu hamutuk 109 217 366 no hamate ema hamutuk 2 413 912 . Iha Indonézia, rejista kazu infesaun SARs-CoV-2 hamutuk 1 233 959 no hamate ona 33 596 iha provinsia 34, inkluindu Nusa Tenggara Timur ne’ebé nia kazu konfirmadu aumenta ba 7517.# Pau
