Fundasaun Hadomi Timor Simu Estudante Foun Ba Kursu Dalen Koreia Nível Báziku
Naunil Media (Díli), Liuhusi programa formasaun professional, Fundasaun Hadomi Timor aanunsia, katak dia 25 Fevereiru 2021 sei hahu halo rejistrasaun ba estudante foun iha programa kursu Lian Korea Nivel Baziku,
Fundasaun Hadomi Timor kompromitidu katak bainhira formasaun Lian Korea Baziku remata sei kontinua kedas ba Nivel II hodi perpara diak liu-tan kapasidade estudante iha Lian Korea,
Fundasaun Hadomi Timor nia objetivu loke Kursu Lian Korea mak atu fasilita joven sira liu-liu estudante sira atu bele kompete bolsu estudu ba Korea, Serbisu iha Korea no Serbisu hamutuk ho ajensia sira korea nian iha Timor-Leste.
Diretur Fundasaun Hadomi Timor hatete, iha tempu badak ekipa Fundasaun sei ba hasoru Sekretariu Estadu Formasaun Profesional hodi kolia kona ba koperasaun entre Fundasaun ho Governu atu bele fasilita karik iha posbilidade estudante sira ba serbisu iha Korea.
Alein de Fasilita Kursu Korea, Fundasaun Hadomi Timor mos fornese programa kursu sira seluk mak hanesan iha brosura tuir mai ne’e. *//
