PR Lú Olo Husu KKLN Grava Lalais Istoria TL Husi Kombatente Sira Sei Moris
Naunil Media (Díli), Relasiona ho selebrasaun Loron Nasional Vetranus Ba dala haat (4), Prezidenti Da Repúblika Francisco Guterre Lú Olo husu, Konsellu Kombatentes Livertasaun Nasionál (KKLN). Atu Grava Lalais Istoria Timor-Leste nian Husi Konbatente ba livertasaun hirak ne’ebé sei moris.
Prezidenti Lú Olo Deklara asuntu ne’e liu husi Komunikadu Imprensa, ne’ebé fó sai Iha Palasiu prezidensial Bairo Pité, kuarta (03/03/2021).
“Iha loron espesiál ohin, ha’u husu filafali ba maluk halibur iha Konsellu Kombatentes Libertasaun Nasionál atu haree hamutuk oinsá: grava lalais istória husi kombatente ida-idak ne’ebé sei moris tanba ita lakon ona ema barak iha tempu ukun-an. Bainhira ida mate, ita lakon dadaun parte ida husi ita-nia istória koletiva, ajuda eduka ita-nia ema atu respeita Konstituisaun RDTL no hametin valores no prinsípius luta Libertasaun Nasionál nian, ajuda Governu atu dezenvolve lalais turismu istóriku” deklara Eiz Prezidenti Parlamentu Nasional ne’e.
Iha biban ne’e Veteranu 24 ano ne’e husu kombatente sobrevivente sira atu ajuda Konsellu Kombatentes Libertasaun Nasionál atu servisu hamutuk ho Estadu, atu valoriza di’ak liután eis-kombatente sira, liuhusi polítika ida ne’ebé tau matan ba sira.
”Ita hare oinsa atu haburas mós espíritu moris ho kbiit rasik, liuhusi Fundu Veteranus, ne’ebé fó benefísiu ba sira ne’ebé sei moris, ba oan no bei’oan sira abanbainrua”.*Pau
