Selebra Loron Veteranu, Bisoi Husu Sura ho Labarik Sira Nia-Mate
Naunil Média (Díli), Deputada Bankada Partidu Kongresu Nasionál Rekonstrusaun Timorese (CNRT-Sigla Portugues), Maria Rosa da Câmara ‘Bisoi’ husu ba estadu Timor-Leste tenke rekoñese labarik sira ne’ebé durante ne’e mate iha funu laran.
“Labarik ‘bebe’ hirak ne’ebé mate iha Funu laran durante okupasaun Japaun to mai okupasaun indonezía, governu Presiza tau iha estatutu kombatente libertasaun nian. Hodi konta mos iha selebrasaun loron Nasionál veteranu ne’ebé monu iha loron 3 fulan marsu”, deklara deputada Bankada CNRT Maria Rosa da Câmara ‘Bisoi’ ba Jornalista Naunil Media ho Tatoli, hafoin plenária iha Parlamentu Nasionál PN, tersa (02/03).
Nia deklara “Iha funu ne’e ami hare’e kedas ho matan, inan sira tenke so’e labarik, husik tanis to’o mate. Tanba inimigu duni daudaun ona, bebé sira ne’e dezaparesidu. Hanesan veterana ida ejize ba estadu Timor-Leste tenke rekuñese bebé sira ne’ebé inan ho aman soe iha ai-laran, tenke rekuñese labarik sira ne’ebé mate iha funu” deklara Veterna ne’e.
Maske dadaun ne’e seidauk iha Dadus fixu ruma kona-ba labaraik hira mak mate iha funu Laran. Maibe Veterana ne’e husu Ba Estadu Atu Kria Jardim ka Semiteriu ida ba Bebe hirak ne’eé mate ona durante Funu Naruk nia laran.
Identidade Badak “Bisoi”
Maria Rosa da Cémara Alias (“Bisoi”) moris iha Munisipiu Viqueque Postu Administrativu Ossú, Suku Loihunu, iha loron 21 fulan novembru tinan 1962. Nia nu’udar oan ba dahaat hosi maun-alin na’in-10 ne’ebé kompostu hosi mane na’in-hitu (7) no feto na’in-tolu (3).
Nia inan-aman naran Filomeno da Cémara no Beatrix de Araüjo. Bisoi hahu nia involve ona iha vida polika iha 1975 bainhira nia kompleta Tinan Sanulu Resin-haat (14).Ana
