FEATUREDGeralIkus LiuNews

PR Lú Olo Sei Lansa Livru ‘Buibere Hamri’ik Ukun Rasik An’ Kompleta Luta Feto iha 1974

Fahe Tutan

Naunil Média (Díli), Sekretária Jerál, Organizasaun Popular Muller Timor  (OPMT), Florentina da Conceição Pereira Martins Smith informa, tempu badak Prezidenti Repúblika (PR) Francisco Guteres ‘Lú Olo’ sei lansa livru ida  ho titulu ‘Buibere Hamri’ik Ukun Rasik An’ kompleta ho istória luta feto ba ukun an Timor-Leste iha tinan 1974.

Sekretária Jerál Organizasaun Popular Muller Timor  (OPMT), Florentina da Conceição Smith ba jornalista sira, iha edifísu Munzeun Reszisténsia Timor (MRT), Kaikoli, kuarta (03/03).

“Ami sei lansa ida no sei lansa  husi Prezidenti Repúblika, iha  livru ne’e sei esplika klean sei lansa iha tempu badak. iha livru kapítulu hamutuk 14 no  pajína hamutuk 92 pájina ne’ebé mak kontempleta ho istória ba Luta Feto Timór nian, la’ós de’it ba OPMT, maibé ba feto hotu ne’ebé mak iha tinan 1974 liubá  mehi ba  liberta rai ida ne’e no lori mós istória ba futuru”, dehan Florentina.

Smith hatutan, livru Buibere Hamri’ik Ukun Rasik An (BHURA) sei lansa iha loron 8 marsu 2021, iha Muzeun Rezisténsia.

Alende ne’e Smith hatete,  iha loron  veteranus ne’e mós konta feto nia partisipasaun, feto nia luta ba independénsia ne’ebé mak ohin loron ita hotu sai sasin ba Estadu Direitu Demokrátiku ida ne’e.

“Hanesan feto ba loron ida ne’e, hakarak husik hela istória ba ita-nia jerasaun foun sira, atu hatene klean ba luta feto Timór nian, hanesan OPMT, organizasaun Masa, hari’i iha situasaun ne’ebé mak difisil tebes ho objetivu  hodi hakuak feto hotu, no lori feto hotu-hotu ba iha naroman ida ne’ebé mak ita hotu haree ona no hakarak nafatin hametin, oinsa ita hotu hamutuk   lori ita-nia dezenvolvimentu ba povu nomós ba  rai doben Timor-Leste”, Smith subliña.

Iha fatin hanesan Diretór Ezekutivu MRT  Antonino Baptista Alves hatutan, OPMT lori ona livru balun mai tau iha ne’e,   bele sai hanesan dokumentasaun ida ne’ebé  importante hodi rai  iha Muzeum  Resisténsia Timor. Emj5.

Leave a Reply

Your email address will not be published. Required fields are marked *