COVİD-19: Estudante TL Lakon Ba Estudu
Naunil Media (Díli), Reprezentante United Nations İntenational Children’s Emergency Fund (UNİCEF sigla İngles), iha Timor-Leste Scott Whoolery, informa estudante iha Timor-Leste lakon sira nian estudu impaktu husi COVİD-19 tanba balu la fila ba eskola.
Tuir reprezentante UNICEF Scott, estudante barak mak seidauk asesu ba edukasaun no lakon sira-nia estudu tanba pandemia Covid-19, halo tauk no triste, no sira la ba eskola.
“respodente peskiza ba estudante hamutuk 85% sira barak liu mak mai husi universidade no sekundáriu, no respodente 39% difisil tebes atu fila fali ba eskola no barak liu mak sira defisiensia”, dehan reprezentante UNİCEF iha Timor-Leste Scott Whoolery ba jornalista sira, iha Bidau Xanana Reading Room, kinta (04/03).
Reprezentante UNİCEF Scott haktuir, peskiza hatudu 45% husi populasaun halo asaun karidade ba malu.
“Peskiza ne’e hatudu mós dezempenu ativu husi adolsente no foinsae barak mak hodi hatan ba pandemia ne’e, husi respodente 45% halo asaun hodi ajuda sira-nia kokunidade durante krize no halo desimina informasaun no fornese ai han sira mós influénsia sira-nia família hodi uza subsídiu familiár $ 200 husi guvernu”. tenik nia.
Iha fatin hanesan Komisária Nasionál Diretu Labarik Dretóra Gerál, Teresa Maria Freitas, hatutan direitu fundamental ba labarik nu’udar joven ai-rin ba nasaun nian hakarak hetan informasaun adekuadu.
“Atu bele rona ita-nia komunidade no ita-nia joven sira bele hatene situasaun Covid-19 nian ne’ebé ohin loron afetadu iha ita-nia nasaun ida ne’e”, Teresa haktuir.
Nia dehan, joven balun iha interese hakarak hatene no joven balun laiha interese tanba sira balun hatan katak Covid-19 ne’e politíka ida.
“Joven sira ita bele dehan pandemia ne’e tama iha ita-nia rai laran, no dadaun ita halo hela prevensaun atu labele da’et ba ema seluk liu husi regras ne’ebé mak husi organizasaun saúde mundiál (OMS) fó sai hanesan uza maskára, fase liman no halo distansia sosiál”. tenik Teresa. Ina
