Estudante CS-UNTL Nain 6 Aprezenta Relatóriu Peskiza Rejistu Moris ba UNICEF
Naunil Media (Díli), Estudante nain neen (6) husi departamentu Comunicação socíal (DCS), Fakuldade ciénsia sosiais (FCS), Universidade Nasíonal Timor Lorosa’e (UNTL), aprezenta relatóriu peskiza husi Munisipiu neen (6) kona-ba rejistu moris, ba UNICEF.
Resultadu husi peskiza refere hanesan parte ida atu hatene kona-ba Komunidade sira asesu ba radiu inklui, hatene kona-ba rejistu moris ba labarik idade husi tinan lima (5) mai karaik.
Tuir peskizadóra de Emerensiana de Jesus Martins deklara bazeia ba sira nia peskiza maioria komunidade barak la asesu ba rádiu.
“Ami-nia peskiza ne’ebé maka halo iha rádiu komunidade neen (6), tuir dadus, ema rona radiu hamutuk 230 no sira ne’ebé la rona rádiu hamutuk 454. lda-ne’e, ami konverte ba persentajen ema ne’ebé rona rédiu iha teritoriu ho de’it 35% no ema ne’ebé maka la rona rádiu 65%,” deklara Peskizador, hanesan mos estudante Estajiraiu ne’e, hafoin aprezenta relatoriu, ne’ebe realiza iha Kampus UNTL Caicoli,sesta (05/03/2021).
Nia deklara Peskiza ne’ebé sira halo iha ràdiu komunidade neen hanesan Viqueque, Baucau, Covalima, Ermera, Manufahi no Manatuto, durante loron Rua nulu resin rua (22).
“Rezultadu ne’ebé maka ami hala’o bazeia ba aplikasaun ami uza iha tereinu maka KoBoCollect no KoBotulBoks”, dehan estudante peskizadora ne’e.
Iha fatin hanesan xefi departamentu komunikasaun sosial Marcelino Ximenes Magno, hateten peskiza ne’ebé mak estudante sira halo hetan apoiu husi United Nations International Children’s Emergency Fund (UNICEF), hamutuk ho Sekretariu Estadu Komunikasaun Sosial (SEKOMS).
“Peskiza ne’e halo laos foin pela primeira vez maibe ba ida ne’e dala tolu ona apoiu husi UNICEF , SEKOMS no ministeriu Justisa apoiu estudante sira ba peskiza no mós aprende kona-ba programa rádio komunidade atu hasa’e koñesimentu populsaun rejistu moris aprende oinsa atu peskiza radiu nia”, dehan xéfi departamentu komunikasaun sosial ne’e.
Total Osamentu ne’ebé, UNICEF no SEKOMS apoiu ho montante $8.000 mil. Hodi Fasilita Estudante nain neen ne’ebé mak tun ba peskiza Hanesan: Emerensiana de Jesus Martins, Francisco Colo, Celina Alves Lopes, Elias da Costa, Honorio Guterres, Leonia de Araujo da Costa.
Partisipa iha Apresentsaun ne’e, Diretor Interino José Da Costa Dirasaun Nasíonal Promosaun Media Lokal (DNPML)- reprezentante SEKOMS inklúi UNICEF, Embeixadora Japaun ha Timor Leste, Diretor Diresaun Nasional Notaridu, Dosente inklui estudantu sira.Ivo
