DNN Husu Sidadaun Labele Hanaran Sertidaun Moris, ‘Sertidaun RDTL’
Naunil Media (Dili) Diretór Diresaun Nasíonal Notariadu (DDNN), João Fernando M. Borges deklara, husu ba sidadaun timoroan labele hanaran sertidaun RDTL, maibé hanaran sertidaun moris. Tanba naran RDTL refere ba Repúblika Demokratika Timor-Leste nian-naran la’os naran husi sertidaun.
Membru husi instítuisaun Ministeriú da justisa ható kestaun ne’e hafoin partisipa iha atividade aprezenta relátoriu husi estudante departamentu komunikasaun sosial UNTL kona-ba rejistu moris ba UNICEF, SEKOMS inklúi husi parte Ministeriu Justisa. Ne’ebé realiza iha kampus Caicoli, sesta (05/03/2021).
‘‘Dala ruma Funsionariu públiku injeral estudante, komunidade sira, sempre bolu sertidaun RDTL, maibé loloos ne’e sertidaun moris. Baze legal husi rejistu mai husi regulamentu UNTAET nú 3/2001. Ne’ebé hahú halo rejistu moris iha Timor Leste. Tanba ne’e ita labele hanaran ona sertidaun RDTL di-ak liu esklui’’ hateten diretor husi DDN ne’e.
Ermera oan ne’e deklara kona-ba rejistu moris ba labarik inklúi sidadaun Timoroan, iha 2010 estadu Timor-leste ratifíka konvensaun direitu labarik iha artigu 70 , hateten momo’os katak labarik moris mai tenki rejistu kedan. Nune’e iha konstítuisaun RDTL artigu 3 esplika katak seritadun moris mak bele identifka ema nia identidade loloos husi sidadaun ida.
‘‘Dala barak ita rejistu seritidaun moris de’it, maibé ita haluha tiha aktú rejistu sivíl sira seluk. Ita kuandu koalia kona-ba rejistu sivíl ne’e siklu ida, ema moris tenki rejistu, kaben, mate mos familia tenke mai rejistu, ne’e mak foin kompletu iha ita nia vida sivíl. Maibé iha Timor-leste ema la dun tau importansía ba rejistu moris’’ hateten funsionariu husi MJ ne’e.
Iha biba ne’e Diretor ne’e husu ba sidadaun hotu-hotu tenki halo rejistu hahú husi seritidaun moris tó ba iha seritaun mate nian ‘‘Obito’’. Nia parte mos husu ba peskizador inklúi estudante funsionariu sira atu sensibilza loloos naran husi seritdaun sira estadu nian ba komunidade sira, ne’ebé mak seidauk iha koñesemnetu ba sertidaun hirak ne’e. Dms
