Teste Amostra 289 Husi komunidade Tasi-Tolu Nain-2 Positivu Covid-19
Naunil Média (Díli), Koordenador Forsa- Tarefa ba Prevensaun no Mitigasaun Suru COVİD-19 iha Timor-Leste, Rui Maria de Araujo informa anunsia husi restreiu ba kontaktu ne’ebé ita halo iha Bairru BTN 2 Tasi-tolu, na’in 2 mak hetan pozitivu.
“Iha ohin lorokraik ne’e husi númeru 289 halo amostra na’in-rua mak pozitivu”informa eis Primeiru Ministru Rui Maria de Araujo ba jornalista sira iha konferensia imprensa iha sentru integradu jestun krije (SİJK), Sentru Konvensaun Díli (CCD), Domingu (07/03).
Eis ministru saúde Rui Maria de Araujo hateten dezisaun atu blokeia kapital Díli ne’e aban sei rona dezisaun husi konsellu ministru.
“kompetensia atu foti desizaun kona-ba blokeia fatin sira ne’e tanba governu ne’e orgaun kolezial sei reuni liu husi konsellu ministru, embora exelensia Primeiru Ministru hanesan komandante Operasional nia mak xefe governu” tenik Rui Maria de Araujo.
İkus liu, nia husu populasaun sira labele paniku ba rumoris sira ne’ebé sirkula iha públiku, tanba ne’e bele inventa sasan, nune’e fiar nafatin ba autoridade governu hodi bele kombate kalamidade públiku .Ana
