Dekanu FCS-UNTL Hapara Provizoríu Atividade Aula
Naunil Media (Dili) Relasíona ho kazu positivu Covid-19 foun ne’ebé deteta iha Tasi Tolu Dili horikalan. Ohin segunda dader loron 08/03/2021 dekanu husi Faculdade Ciência Sociais (FCS), Universidade Nacíonal Timor-Lorosa’e (UNTL), Camilo Ximenes Almedia hapara provizoriu atividade eskola, hodi haruka estudante tuan inklúi foun sira Fila.
Dekanu ne’e argumenta objetivu husi Haruka estudante sira fila inklui hapara atividade Aula, ho razaun atu hein desizaun husi parte relevante.
“Dosente ho Administrasaun sira Ativu nafatin. Estudante sira haruka fila atu ita antisipa.Tanba hanesan universidade mak ida afeita Covid-19 ne’e susar ona” hateten dekanu ne’e iha resintu FASPOL, Segunda (08/03/2021).
Dekanu ne’e deklara kona-ba hapara provizoriu atividade aprendizajem, la sai kestaun.Tanba ne’e husi Faculdade kontinua hein desizaun husi Governu kona-ba prosesu tuir Mai.
“Ita nafatin hein, karik iha posibilidade ita hein Universidade hasai resolusaun ruma, kona-ba atu mantein aula ou kontinua aula”, deklara dekanu ne’e.
Maske nune dekanu husu ba estudante hotu-hotu hakmatek iha uma, labele ba- mai kampus. Hodi hein desizaun loloos husi parte relevante.
Tuir observasaun Mais ou menus tuku 08:45 Otl. Iha kampus Caicoli Dekanu hapara derpenti prosesu Aula ne’ebé lao hela hodi disidi haruka sira fila ba Uma. Dms
