PNTL Manufahi Kaptura Sidadaun Maliana Na’in-5 Tama Mai Same
Naunil Media (Manufahi), Komandante Polisia Nasionál Timor-Leste (PNTL), Munisípiu Manufahi, Joni Viana Das Regras, informa polisia kaptura ona sidadaun na’in lima (5) neebé deskonfia tama illegal husi Bobonaro mai iha postu administrativu Same.
” sidadaun nain lima 5 ne’ebé mak husi parte polisia kaptura fen ho laen oan na’in rua (2),inklui joven ida, ne’ebé viajen husi Maliana mai Same”, İnforma Komandante PNTL ba jornalista sira iha postu Same.
Komandante PNTL ne’e hateten sidadaun na’in lima husi Munisípiu Bobonaro,entre mane nain rua ne’e, hola Feto Ema Manufahi sira nain rua nia orijinalidadae husi Bobonaro. Nune polisia kaptura tanba tama liu husi aldeia Selihasan, suku Betanu postu administrativu Same Munisipiu Manufahi.
“Sidadaun Nain Lima ne’e, na’in haat (4) polísia ba foti iha domingu 07/03 kalan hodi entrega ba parte saúde no submete ba kuarentena, no na’in ida (1) seluk polísia ba foti ohin dader saan iha suku Letefoho, Same, hodi entrega mós ba parte saúde” deklara PNTL ne’e.
Iha Biban ne’e PNTL ne’e husu ba Autoridade lokal nafatin kontrola sidadaun sira ne’ebé ba mai iha Munispiu Manufahi. Atu nune’e bele hadok Populasaun hosi Transmisaun Lokal Covid-19.
Iha Fatin seluk Reprezentante Diretór serbisu saúde Munisípiu Manufahi, Manuel Da Costa Pereira, afirma ema na’in liman (5) ne’ebé mak polisia kaptura entrega ona ba parte saude. Nune tuir reponsavel ne’e deklara sampel ne’enbé sira hasai haruka ona ba nasionál hodi halo teste, no presiza hein to oras rua nulu resin haat (24) hodi hein rezultadu.NFM
