GeralIkus LiuSaude

Kooperasaun PR No SABEH Identifika Númeru Moras Ispa Aas Iha Manufahi

Fahe Tutan

Naunil Mídia (Dili), Prezidénti Repúblika (PR), serbisu hamutuk ho organizasaun Saúde ba Ema Hotu (SABEH), halo tratamentu saúde ba populasaun inklui veteranus no antigu kombatentes libertasaun Nasionál iha Munisípiu Manufahi,resultadu hatudu númeru ispa aas.

Liu husi Komunikadu ne’ebé Media Naunil asesu iha Mídia PR tersa, 09/03/2021 ne’e katak tratamentu hala’o ba postu administrativu haat ne’ebé lokaliza iha Manufahi hahú husi 28 fevereiru to’o 3 marsu 2021.

Tuir deklarasaun iha komunikadu ne’e tuir médiku jerál Juvência Menezes hatete Tratamentu saúde ba pasiente sira ne’ebé hala’o iha Sede Suku no Postu Saúde ne’e, hala’o iha Suku balu, iha Postu Administrativu haat ne’ebé eziste iha Manufahi hanesan Alas: Suku Mahaquidan,Fatuberliu: Suku Clacuk, Same: Suku Betanu no iha Turiscai: Suku Bermana no iha Suku Liurai.

“Ita-nia komunidade barak mak ho minoridade no afeita tebes ba malnutrisaun, diareia, infesaun respiratóriu, moras dermatolojia no inan isin-rua sira mós ferik-katuas sira ho moras komplikadu i susar tebes atu halo tratamentu. Maske ita-nia maluk sira balun hela besik iha Postu Saúde maibé sira labele hetan tratamentu ba sira-nia saúde, tanba fasilidade mak menus, falta profesionál saude no medikamentus”. hatete juvencia iha komunikadu ne’e.

Tuir deklarsaun husi komunidade refere ema na’in rihun atus ida ualu nulu resin lima (1.085), kompostu husi mane atus lima rua nulu resin tolu (523) no feto atus lima neen nulu resin rua (562), enkuantu pasiente veteranus no antigu kombatentes libertasaun nasionál hamutuk hitu nulu resin lima (75) inklui mane neen nulu resin lima (65) no feto hamutuk na’in sanulu (10).

Médika-Jerál, ne’ebé hala’o servisu voluntariu iha ONG SABEH, relata nia esperiénsia no espesifika nia informasaun ho dadus númeru ema ho moras ne’ebé sira sofre, maka hanesan: Ispa: ema 424, HTA: ema 233, Gastritis: ema 221 no ema ne’ebé sofre dermatitis hamutuk 154.

Kona-ba Kooperasaun Prezidénsia Repúblika ho SABEH, halo ona tratamentu hanesan iha munisipiu haat: Baucau, Ermera, Lautem no Viqueque.#jos

Leave a Reply

Your email address will not be published. Required fields are marked *