Suspende Atividade Misá Arcebispo Husu Sarani-Katólika Nafatin Reza
Naunil Média (Díli), Relasíona ho suspensaun atividade misá iha Kapital Dili Arcebispo Metropolitano Díli, Dom Virgílio do Carmo da Silva SDB, husu ba sarani katólika sira kontinua halo orasaun hodi husu tulun ba Maromak Nain Feto Maria Virgem, Timor nia Liurai Feto no São José, hodi husu tulun salva Timor Leste husi covid-19.
Ulun ba uma kreda Timor Leste ható liafuan murak ne’e hafoin, iha loron ualu (8) fulan ne’e reuniaun estraordinária husi konsellu Ministru (KM) deside sei suspende atividade hotu-hotu iha Dili.Nune’e husi ulun Igreja katólika Timor-Leste ne’e halo karta komunikadu ida hodi diside suspende mos atividade igreja iha area munsipiu Dili.
“Mai ita hotu reza husu Maromak nia tulun ho Nain Feto Maria Virgem, Timor nia Liurai Feto, São José, Aman Igreja Universal nia harohan daet, atu hadook lalais ita husi moras ne’e (Covid-19)’’ deklara Bispo Diocese Dili Liu husi komunikadu imprensa, ne’ebé fo sai iha rezidénsia Licidere,segunda (08/03).
Bibi atan ne’e haklean parokia ne’ebé suspende misá diaria mak hanesan: Atauro, Aimutin, Balide, Becora, Bedois, Catedral, Comoro, Dare, Hera, Metinaro no Motael.
“Ha’u hakarak fó hatene no husu ba reverendu Pároku, Padre sira, Relijiosu, relijiosa, Sarani sira, katak hahu husi 09-15 de marsu de 2021, ita mos sei suspende Misá sira diária, Dominikal ba públiku no Servisu kartorial iha Parokia sira iha munisipiu Dili’’ bibi atan sarani katólika nian ne’e husu.
Tuir dekretu governu Sei suspende atividade hahu husi loron tersa dia 9 oras 00:00 fulan marsu to loron segunda 15 fulan marsu 23:59 otl , hodi bandu kualker atividade sira ne’ebé ho modelu sosial hanesan cultural, desportiva, relijiosa. #Ana
