AJAR Apresía Konsíensia Komunidade Dili Ba Kumpri Serka Sanitária
Nauni Media (DILI), Officer Ázia Justice and Right (AJAR) Inocencio Xavier hato’o apresiasaun ba komunidade kapitál Dili ne’ebé kumpri ona regra serka sanitaria ne’ebé estabelse husi governu Timor-leste.
“Primeiru apresia kolaborasaun sidadaun hotu nian liuliu iha komunidade kapitál Dili hatudu kumpri ba rejolusaun guvernu nian ba prevensaun liuliu oinsa atu hadok aan husi pesti Covid-19 ne’e progresu ida ne’ebé ita bele dehan parte husi komunidade no mós autoridade munisípiu Dili la’o”, hatete inocencio liu husi via telefonika kuarta, ( l1/03/2021).
Tuir Inocencio maske iha sidadaun balun sei halo movimentu husi Dili hakarak ba Munisípiu seluk maibé realidade ne’ebé maka akontese dalan atu ba Munisípiu seluk taka hotu.
“Tuir loloos ita hela de’it iha Dili durante semana ida ita hela kos ka ita hela iha ita nia uma ita hakmatek tanba ita rekoñese katak ita hotu-hotu mai husi foho maibé sé kuandu estadu hakarak hasai rejolusaun ruma ita tauk no ita halai fali ba foho no mós ita la kontribui ba hakotu siklu espensaun covid-19”.officer AJAR ne’e dehan
Nia mós bolu atensaun ba parte miniteriu saúde no servisu jestaun krize i polísia atu fahe mós informasaun populasaun ou komunidade ne’ebé maka hela besik iha bairo BTN II iha suku madohi ne’ebé vijinu ho suku Comoro.
Tuir rejolusan husi governu, serka sanitária hahú ona iha loron sia (9) fulan marsu, tuir planu sei termina iha loron sanulu resin lima (15) fulan marsu.jos
