FEATUREDIkus LiuNegosiu

Lakon Rendimentu Grupu Feto COU Husu SEKoop Ajuda sira

Fahe Tutan

Naunil Media (Díli), Relasíona ho surtu Covid-19 ne’ebé invade mundu tomak inklúi Timor Leste, hodi fó implikasaun negativu ba ekonómia múndial nomos ekonomia rai laran. Nune aktividade mikro no makro ekonomia barak mak paradu.


Tuir Jestór husi grupu Kooperativa Credito Union Hikis Kosar Ba Moris (COU), İrene Soares deklara sira nia koperativa refere hahú menus rendimentu no paradu tanba impáktu husi surtu Covid-19.


Grupu feto Kooperativa Credito Union Hikis Kosar Ba Moris (COU) ne’ebé lokaliza iha postu administrativu Railaku munisipiu Ermera to agora atividade la lao hanesan baibain.


“Durante situasaun Covid-19 ami la tama servisu, osan latama tanba ami hotu hotu iha uma de’it ’’ deklara jestor grupu Feto kopertaiva COU ba jornalista sira iha salaun SEKOOP Akait segunda (08/03/2021).


Inan feton ne’e deklara antes seidauk mosu Covid-19 loro-loron sira nia grupu sempre ba hala’o servisu no kada semana ida fahe ba grupu ha’at grupu ida hala’o iha loron ida to’o semana ida servisu durante loron ha’at.


“Ami nia grupu lorloron halo Fosta, loron ida ami hetan atus ida (100), suku kofcaun lori ba faan iha merkadu ho folin dolar ida ($1), bele mós ba sinkuenta sentavus (0,50).Maibé ikus ikus covid-19 ne’e mosu mai halo ami-nia atividade paradu hotu ” deklara inan feton ne’e ho sentiment triste.


Irene mós husu ba Sekretáriu Estadu Kooperativa (SEKOOP) atu ajuda Sira nia grupu ne’e, hodi bele hamoris fila fali.


Tuir nia kooperativa Railaku Antes ne’e hamutuk sira nain, neen nulu resin lima (65). Maibé agora minimiza tiha ba lima nulu resin rua (52).

Tanba membru Balun ba ona mundu seluk no balun seluk disidi sai tanba la iha osan. EMJ1,Emj7

Leave a Reply

Your email address will not be published. Required fields are marked *