SS-CIGC Deteta Tan Kazu Pozitivu Covid-19 ‘3’ Iha BTN II Tasi Tolu
Naunil Media (Díli), liu husi Sala situasaun Centeru integrado Gestão de Crise (SS-CIGC), Kordenadór Forsa-Tarefa ba Mitigasaun Surtu Covid-19, Rui Maria de Araújo, informa Kazu foun 3 iha BTN II Tasi tolu, suku mahadoi postu administrativu Don Aleixu, Munisipiu Dili husi konta Besik ba kasu Anterior.
“Hafoin deteta kazu foun rua iha bairru BTN II, Tasi Tolu, Suku Madohi, Postu Administratinvu Dom Aleixo, iha dia 7 de Marsu, ekipa konjunta saúde buka-tuir kontaktu-besik husi kazu rua ne’e. Atividade buka-tuir kontaktu-besik, hahú dia 7 ne’e kedas, to’o ohin meiu-dia, total iha 472 amostras. Husi amostra hirak ne’e, total iha 24 pozitivus (husi horiseik mai ohin iha tan kazu pozitivu hamutuk nain 3)”, dehan Kordenadór Forsa-Tarefa ba Mitigasaun Surtu Covid-19, Rui Maria de Araújo, ba Jornalista sira iha sala Sala situasaun Centeru integrado Gestão de Crise (10/03).
Nia mos informa Kazu detektadu Positivu iha Díli Fahe ba agrupamentu claster 7 hanesan tuir mai: BTN II Terra Santa Kazu 6, Ministeru Finansas/Adeia 4 de Setembro, Comoro kazu 4,SEFOPE Kazu 9, Bebonuk 2, Ministeru Transportes e komunikasaun kazu 2, HNGV Kazu 1 .
Entretantu kordenadór ne’e informa ba populasaun iha Díli laran, atu nafatin kalma, lalika paniku no halo tuir regras konfinamentu domisiliàrio Kerala, ba populasaun iha Díli fo tempu ba ekipa saúde buka tuir kontaktu-besik sira hotu
Dadus geral ba loron ohin Kazu foun 3, Kazu rekoperadu 0 Kazu ativu total husi loron 1 to’o 10 Marsu, total entrada husi fronteira terrestre regular 75 no irregular nain 7. Ivo
