Jurista Avelino: ‘Hapara Deputadu CNRT Nain-21 Sei Hamosu Kríze Parlamentar
Naunil Mídia (Dili), Relasíona ho deklarsaun antes husi Prezidenti Parlamentu Nasionál (PPN) Aniceto Longuinho Guterres Lopes kona-ba atu hasai deputadu nain rua nulu resin ida (21) husi parlamentu nasional (PN). Maibe Jurista Avelino Coelho deklara laiha dalan.
Jurista ne’e deklara, desizaun husi PPN-nian la kabe ba rejimentu Parlamentu Nasionál artigu 7 alinea A, nune dalan Klot wanhira hapara deputadu husi partidu Congresso Nacional reconstrução Timorense (CNRT).
“Se hapara duni, maka sei mosu buat ne’e ita dehan krije parlamentar ka krije iha orgaun legislativu ida. Ha’u hanoin di’ak liu buka koalia ba malun para lalika foti medidas ne’ebé konstituisionalmente dalan la iha. ” prezidenti PST Avelino hato’o kestaun ne’e ba Naunil Media Liu Husi via Email Sesta (12/03).
Jurista ne’e fo hanoin, dalan di’ak liu atu buka solusaun presiza rejolve ho ulun malirin, no lao tuir rejimentu legal sira ne’ebé estabelese oan,atu labele hamosu tan konflitu husi nai deputadu sira.
“Ita hare didiak artigu 7, alinea A ne’e dalan klot hela ba Prezidente Parlamentu Nasionál atu hapara deputadu sira nia mandatu. Alinea A dehan nune’e, ” la tama/ tur injustifikamente iha asentu parlamentar, i kuandu motivu la justífikadu husi PPN sira bele sai ka walk out laos falta.” hatete Jurista ne’e.
Nia argumenta iha estadu de diretu Demokrátiku, kuantu mais iha luta Parlamentar iha Parlamentu laran walk out ne’e direitu Deputadu ida ni’an, tamba la konkorda ho politikas , desijzisaun balun husi Meja , ou karik deputadu sira iha konjuntu defende sira nia linña politika ka linha juridika.
Kona-ba asuntu ne’e iha semana liu ba Prezidente Parlamentu Nasionál Aniceto Guterres hatete husi meza enkamiña ona ba komisaun A ne’ebé trata assuntu justisa no konstítuisional parlamentu nasional atu halo pareser kona-ba problema deputadu falta loron lima tutuir malu iha debate OJE 2021.
Iha deklarsaun ne’e mensiona husi PPN Aniceto katak ‘‘tuir Artigu 7 husi rejimentu parlamentu hatete deputadu sira bele lakon mandatu bainhira sira falta loron 5 tutuir malu’’
Hafoin ne’e iha loron tuir mai PPN hatete, kona-ba halakon deputadu rua nulu resin ida (21) nia-parte seidauk halo komentariu. Maibé Hein de’it pareser husi komisaun A nian, tanba kestaun ne’e sira submete ona ba komisaun A. jos
