Lakohi Mate Tan Hamlaha Negosíante Merkadu Manleuana Kontinua Halao Negosiu
Naunil Mídia (Dili), Relasíona ho serka sanitária ne’ebé dadaun ne’e implementa hela iha Dili laran durante loron hitu (7) hahú husi loron ualu (8) marsu to loron 15 marsu, hodi bandu atividade públiku inklui negosiu. Tuir negosiante Laurinda da Costa hatete situasaun ne’e sei oho sira se wanhira la halo negosiu.
“Tanbasá guvernu bandu ami labele faan, ami lafaan ne’e loos, maibé ami nia persiza haan hemu ne’e nusa, ne’ebé ami nia moris mak hanesan ne’e husi faan sasan hirak ne’e mak bele aguenta ba nesesidade, inklui oan sira-nia presiza. ” hatete Laurinda da Costa ba Naunil Mídia iha merkadu Manleuana sexta, (12/03/2021)
Negosiante ne’e deklara se wanhira governu Timor-Leste nafatin implementa serka sanitaria mak la hare kondisaun povu kiik sira nian mak Corona la oho sira , maibé hamlaha mak sei oho sira.
“osan laiha oinsa atende labarik sira, ami tenke faan sasan sira hanesan ne’e para ami hodi han hemu lae atu tane lima ba se’e’’ hatete Laurinda
Iha fatin hanesan nogosiante faan roupa obralan Moizes de Jesus Martins deklara sira kontinua faan roupa obralan hodi afirma sira nia aan hanesan negosiante, tanba sira laos funsinariu.
“Nesesidade maka obriga duni ami faan tanba ami faan de’it OB ne’e maka loron ida la mai ne’e araska tanba ita nia ekonomia loron kalan ne’e la hanesan ho ema sira ne’ebé funsionariu, se loron ida lá Mai entaun lahatene kalan Ita atu han saida, nesesidade obriga ne’e maka ami tenke mai faan bele lockdown (serka sanitaria) mós ami tenke mai”.dehan Moizes de Jesus Martins
Iha biban ne’e negosiante sira husu ba ukun nain Timor-leste nian, atu tau matan seriu ba povu kiik sira, liliu negosiante sira.Tanba sira nia moris loron kalan defende ba iha vida negosiu.
Nune’e tuir observasaun husi jornlista Naunil Media nota katak iha terenu atividade faan no sosa iha merkadu Manleuana la’o normal. Maibe iha komunidae balun la kumpri protocol, hanesan distansia sosia, la uza maskra no la fase liman.jos
