Sentru Saúde Aileu Fó Sensibilizasaun Prevensaun Covid-19 Ba Komunidade Sira
Naunil Media (Aileu), Xefi Sentru Saúde Aileu Vila Rojerio da Consição, informa dadaun ne’e sentru saúde hala’o sensibilizasaun kona-ba prevensaun moras Covid-19 ba komunidade sira iha munisípiu Aileu Villa.
Xefi Sentru Saúde Aileu Vila Rojerio da Consição ba naunil media, iha sentru saúde Aileu Vila, Munisípiu Aileu, kuarta (10/03).
“Sentru saude Aileu Villa ita halo atividade Promosaun edukasaun kona-ba moras Covid-19 ne’ebé ba ita-nia rain hasoru, ita mós halo triajem hodi detekta maluk ne’ebé mak karik sofre hela intensaun respiratóriu hodi bele ita hasai swab masal iha sampel hodi haruka ba laboratoriu nasionál hodi halo izaminasaun”, dehan Rojerio
Rojerio apela, komunidade sira tenki halo prevensaun covid-19 fase liman ho sabaun, mantein distansia, uza maskara bainhira iha sintonas ruma tenki mai lalais ba fasilidade saúde.
“Izaminasaun fasilidade sira koñesimentu oinsa mak koñese covid-19 ne’e rasik ita promove hela bainhira ita promove maluk sira ne’ebé mak mai husi Munisípiu afetadu hanesan Suai, Bobonaru no Díli ita presija tau atendimentu atu halo swab ba sira, hodi lori rezultadu ba iha laboratoriu nasionál”. Nia hato’o.
Nia informa, parte saúde servisu hamutuk ho parseiru sira hanesan Polísia Nasionál Timor-Leste (PNTL) munisípiu Aileu ho parseiru dezemvolvimento ne’ebé mak hala’o hela atividade dezemfekta ba fasilidade saúde no igreja hodi nune’e prevene moras covid-19.
Rojerio deklara, Saúde Munisipiu Aileu prepara hela fatin provijoriu ba habitante sira ne’ebé mai husi munisípiu afetadu sira hodi bele tama kuarentena tempuraria.Jho
