Kazu Pozitivu Covid-19 Nain-2 rekoperadu, SS-SIJK Rejista Tan Foun 8
Naunil Media (Díli), liu husi Sala Situasaun sentru Integrasdu jestaun krise (SS-CIGCsigla Portuguesa), Kordenadór Forsa-Tarefa ba Mitigasaun Surtu Covid-19, Rui Maria de Araújo, Deklara iha Munisipiu Díli rejista tan kazu Nain nee (6), inklui Baucau Nain Rua (2), nune’e total kazu ativu ualu nulu resin rua (82), rekopradu nain-rua (2).
Rui Maria informa husi horseik mai to ohin, husi amostra ne’ebé rekolla iha Munisipiu Dili, durante atividade buka-tuir kontaktu-besik, iha tan kazu positivu nain neen (6) no rua seluk husi Munisipiu Baucau.
“Kazu pozitivu 2, husi Aldeia Loron matan, Suku Madohi. Pozitivu hirak ne’e kontaktu-besik ho sira nia familia uma-laran. pozitivu 2 profisionál saúde ne’ebé halo formasaun Emergency Obsterics and Care (EMONC) iha HNGV. Sira nain rua kontaktu-besik ho profisionál saúde ida ne’ebé mós halo formasaun hanesan iha HNGV, ne’ebé anunsía pozitivu iha dia 10 de Marsu. Hamutuk hotu sira nain 7 ne’ebé tuir formasaun EMONC no detetadu nu’udar kazu pozitivu” deklara Rui Maria de Araujo iha Sala situasaun CCD Dili, sabadu (13/03/2021).
Nia relata Kazu pozitivu 1, rezultadu husi rastreio aleatóriu iha Aldeia Terra Santa, Suku Madohi. Kazu 1, idade tinan 1 fulan 8, deteta iha fatin izolamentu. Nia bá izolamentu”
” kona-ba kazu iha Baucau estudante medisina nain ida (1) ne’ebé halo estajiu iha ospital referénsia Eduardo Ximenes Baucau, Kazu detetadu ida ne‘e, hela iha Dili, Aldeia Monumentu Kalma, Suku Lahane Oriental, Postu Administrativu Nain Feto”
Nia klarifika kazu pozitivu ne’e akontese tanba kontaktu besik ho profisional saúde ne’ebé anunsia iha loron sanulu (10), Pasiente pozitivu nain ida (1) seluk ema Baucau, estuda Instituto Ciencias Saúde (ICS). Iha Baucau hela iha Aldeia Caibilale, Suku Caibada, Baucau Vila. Iha Dili, hela iha Aldeia Fomento 3, Suku Comoro” nia deklara
Tuir nia Kazu pozitivu ida ne’e, sai husi Dili ba Baucau, maibé iha Dili nia hela hamutuk ho ema ne’ebé iha kontaktu-besik ho kazu.
Total dadus atual ba loron ohin sabadu,13 Fulan Marsu tinan 2021, husi SS-CIJK deteta kazu foun nain 8, kazu rekuperadu nain rua (2) nune total kazu ativu nain ualu nulu resin rua (82). Ivo
