“Tuda Ambulansia” SECOMS Husu Komunidade Tenke Kopera ho Estadu
Naunil Media (Díli),Oitavu Governu atual liu husi, Sekretáriu Estadu Komunikasaun Sosiál (SECOMS ; Sigla Portuges), Mericio Juvinal Dias ‘Akara’ husu ba komunidade sira atu nafatin kopera ho parte Saúde ba Conbate Covid-19 iha Timor-Leste (Tl)
“AKARA”, hato’o deklarasaun ne’e, relasiona ho akontesimentu ema deskoinesidu tuda ambulansia bainhira ekipa saúde atu foti amostra teste swab COVlD-l9, husi komunidade iha área Kaikoli, Postu Administrativu Vera-Cruz, munsipiu Díli.
“Husu ba komunidade Timor-Leste labele tuda hasoru ambulansia, no husu komunidade koperasaun ho ekipa servisu saúde sira”, informa SEKOMS Mericio Jovinal Dias ‘Akara’ liu husi Komunikadu İmprensa iha Palásiu Governu, Seste (12/03).
Governante ne’e hateten, ekipa saúde nia servisu atu salva ema husi moras oin-oin.
“Ekipa saúde sira mai ho misaun atu halo servisu no sei salva ita nia moris husi moras sira” tenik ‘Akara’
Nia deklara Govemu liu husi SEKOMS, kontinua husu ba komunidade halo tuir regra sira ba prevensaun COVID-l9 ne’ebé Ministériu Saúde fó sai ona no husu komunidade atu servisu hamuluk ho ekipa saúde no ekipa Task Force, nune’e bele ajuda médiku sira hodi jere no kombate COVID-l9 iha nasaun Timor-Leste, Nia hakotu lia. *Lop
