Populasaun Tenke Kumpri Rezolusaun Governu Serka Sanitária
Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo apela pulasun tenke kumpri rezolusaun husi governu númeru 12/2021 loron 8 marsu ba implementasun serka sanitária iha munisípiu Díli ne’ebé proibi ema tama sai hamosu risku-bo’ot ba transmisaun moras COVID-19.
Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira liuhusi zoom kona-ba aktualiza kazu covid-19 iha Timor-Leste, domingu (14/03).
“Esplikasaun adisionál Fó hanoin ba populasaun katak Rezolusaun Governu Nº12/2021, 8 de Marsu kona-ba serka sanitaria iha Munisípiu Díli, proibi ema atu tama sai husi Díli. Hotu-hotu tu’ur hakmatek iha fatin. Autoridade ne’ebé bele autoriza ema nia movimentu sai husi no tama mai Munisípiu Díli maka Brigadeiro General ‘Aluk’. Rezolusaun governu ne’e mós obriga sidadaun hotu iha sidade Díli, atu halo konfinamentu domisiliáriu jerál. Ida ne’e signifika, hela iha uma, labele sai. Sai deit wainhira presiza tamba moras, hola hahán, ou sira ne’ebé halo servisu esensiál”, dehan Dr. Rui.
Kordenadór ne’e Informa, ba públiku katak hahú horiseik, loron 13 marsu, hamosu ona korredór abastesimentu ba sasán atu sai husi Díli, no tama mai Díli. Pedidu autorizasaun hotu tenki diriji ba Brigadeiru Jeneral João Miranda ‘’Aluk’’, Diretór Sentro Integradu Jestaun Krize- Sala sala situsaun.
Nia esplika, ba populasaun katak tuir númeru 5, rezolusaun Governu númeru 12/2021, 8 marsu, kona-ba serka sanitaria iha Munisípiu Díli, ema bele pratíka desportu ka ezersisu fíziku individual, maibé labele la’o iha grupu durante ezersisu, labele halibur malu durante ezersísiu, no labele mós pratika desportu em grupu, tamba aglomerasaun ka halibur malu iha grupu bele hamosu risku-bo’ot ba transmisaun moras COVID-19. Vit
