Pozitivu COVİD-19 Aumeta, Eskola Kay Rala La’o Normál
Naunil Media (Manatuto), Maske ohin loron númeru kazu pozitivu Covid-19 kontinua aumenta ba beibeik, maibé iha Munisípiu Manatuto Eskola Sekundária Gerál Kay Rala (ESJ-KR) prosesu apredisajen sei la’o normál tanba seidauk implementa serka sanitária.
Professor Relijiaun Akonsolamentu Psikologiku Estudantes, Eskola Sekundária Gerál Kay-rala Manatuto (ESJ-KR) Manuel Soares ba Naunil Media, iha Eskola Sekundária Gerál Kay-rala Manatuto, Manatuto, segunda (11/03).
Tuir Manuel surtu Covid-19 prosesu aprendisazen durante ne’e iha ESJ-KR Manatuto la’o normál tanba edukasaun seidauk hatun despasu ba eskola.
“Prosesu aprendisazen iha Eskola Sekundária Jerál Kay-Rala Manatuto la’o normál tanba husi edukasaun munisípiu seidauk hato’o despasu ida atu suspenden prosesu aprendisazen”, dehan Manuel.
Munuel hatutan, prosesu apredisajen ne’e sala aula mak la to’o atu akumala estudante sira tanba númeru estudante barak no la iha distansiamentu sosiál, parte saúde seidauk halo observasaun.
“Aula la to’o ami la halo distansia sosiál tanba númeru estudantes barak liu no parte saúde mós la halo observasaun direta iha aula para bele sai referensia mai ami. Sé ami estudante 20 kada turma ida dala ruma domingu mós ami bele aula nafatin”, Manuel hateten.
Manuel haktuir, edukasaun munisípiu Manatuto halo intervensaun ba ESGK-RM, katak husik hela estudante sira abandona fali iha uma.
Profesor ne’e dehan, kada aula ida priense estudante 45 difisil atu halo distansia sosial, maibé maneira seluk ba prevesaun Covid-19, mak fase liman no uza masakra.
Eskola Sekundária Gerál Kay-rala Manatuto professores ativu tantu diretór, ajunta diretór, xefe gabinete serbisu la’o hanesan bai-bain. Tuir oras hanorin, eskola ne’e professor totál hamutuk 40, kontratadu 22, professor permanente na’in 18 no professora volumtariu na’in 40.
Entretantu Eskola Sekundária Gerál Kay-rala Manatuto (ESGK-RM), total estudante hamutuk 977, númeru estudante siénsia sosiais 488 no siénsia teknólojia 489. Anel
