Covid-19: Uatolari Rejista Kazu pozitvu Foun na’in-Ida
Naunil Media (Díli), Kazu Covid-19 iha aldeia Lari, suku Afalokai, postu adiministrativu Uatolari, munisípiu Vikeke rejista komfirmadu pozitivu foun na’in-ida, pasiente ne’e eskola iha Universidade Nasionál Timor Lorosa’e (UNTL), pasiente ne’e ekipa pesoal saude evakua ona.
Asuntu ne’e hato’o husi fontes kredivel ne’ebé la fó sai ninia identidade pesoal ba Naunil Media liuhusi via telefone, iha postu Uatolari, segunda (15/03).
“Horkalan rejustadu teste sai ona katak, ita Uatolari rejista kazu pozitivu Covid-19 na’in ida ona. Estudante ne’e husi Díli durante loron tolu iha suku Afaloikai. Tanba ne’e ami husu atividade eskolár provizoriu suspende”, dehan nia.
Nia hatutan, tanba ne’e bandu oan sira ba eskola lai nomós atividade para hodi hakmatek iha uma.
“Tanba ita nian oan sira balu la’o ba la’o mai ita lahatene, tanba ne’e mak ami husu ba inan aman sira hotu katak iha ona númeru kazu ida ona no horsida ambulansia sei tula pasiénte ida”, tenik nia.
Entretantu pasiénte ne’e ekipa pesoal saúde no akompañ Polisia Naionál Timor-Leste (PNTL) postu Uatolari evakua ona husi pasiénte ninia hela fatin iha aldeia Larin, no transporta ona mai Díli, to’o notísia ne’e tun Naunil Media seidauk halo komfirmasaun ba Sentru Integradu Jestaun Krize (SIJK). VIT