CNRT Lakonkorda Atuasaun PNTL-Nian Ba Sidadaun Sira
Naunil Média (Díli),Relasiona ho atuasaun PNTL munisipiu Dili nian hodi kaptura sidadaun hirak ne’ebé halo ezersisiu iha kapital Dili. Deputadu husi Bankada Partidu Congresso Nacional de Reconstrução Timorense (CNRT), José Vergilio, la konkorda.
“La konkorda atuasaun husi polisia munisipiu Díli, ba sidadaun ne’ebé mak halo ezersisiu iha kapital Díli, hodi ba sulan sira na’in 233 iha komandu munisípiu Díli”,deklara deputadu oposisaun CNRT José Vigilio iha sala plenária Parlamentu Nasionál, tersa (16/03).
Reprezenta povu CNRT ne’e hateten tuir los parte siguransa nafatin tau matan ba sidadaun sira hodi kontinua halo ezersisiu, maibé organiza sira nafatin uza maskra.
“Tuir regra saúde nian lolos ne’e, ema sira bele hala’o ezersisiu, maibé tenke uza nafatin máskra, distansiamentu sosiál, inklui regra sira seluk”, tenik nia.
Reprezenta povu iha parlamentu nasionál deputadu José Vergilio.
Nia parte lamenta tebes regras serka sanitária iha munisípiu Díli ne’ebé mak kaer fali joven sira halo ezersisiu.
“La kompriende regra saída mak ida ne’e. Tanba ko’alia kona-bá regra governu rasik la kumpre regra, tanba kaer joven ba bou hamutuk iha komandu munisípiu Díli”,nia lamenta. Ana
