Covid-19: Fernando Apoia Fos Ba Estudande Husi Vikeke Iha Díli
Naunil Media (Díli), Relasiona ho Serka Sanitária ba prevensaun Covid-19, Fernando Amaral inisiativa apoia nesidade bázika ba estudante Munisípiu Vikeke nian ne’ebé eskola iha munisípiu Díli no hela kost tanba estudante sira emprenta duni ba fos.
Fernando Amaral ba Naunil Media iha ninia rezidensia, Surikmas Ailele Laran, kuarta (17/03).
“Apoiu ne’e ha’u-nia inisiativa rasik ne’ebé hakarak fahe fos ba ita-nia alin estudante sira, atu ajuda netik sira para hasoru situasaun emerjénsia sira ne’e tanba iha situsaun ida ne’e ita-nia inan aman sira labele haruka osan no fos ba oan sira iha Díli. Apiu ne’e da estudante sira ne’ebé sente susar ba fos mak ami apoia ba sira”, dehan Fernando.
Fernando dehan, husi apoiu fos ne’e uza osan rasik mak sosa fali fos hodi fahe tutan estudante sira ne’ebé mak hela iha Díli liuhusi apoiu sira ne’e estudante sira bele han netik.
“Estudante sira mai simu fos, ami sei husu tuir sira, sira iha kost ne’e ema na’in hira mak hautuk, mak foin ami fahe fos ba sira. sé estudante sira dehan na’in ida ami sei fó kilo 5, liu ema na’in ida ami sei fó saku baluk ba sira”. Fernando subliña.
Nia dehan, apoiu fos ne’e ba estudante sira husi munisípiu Vikeke tanba dadaun ne’e Vikeke mós lockdown hotu tanba ne’e fahe ba estudante parte Vikeke ne’ebé mak hela iha kost.
“Ami fahe de’it estudante husi munisípiu Vikeke tanba ami mós haree fila fali ba ami osan ne’ebé ami iha, entaun ami fó apoiu ba estudante Vikeke. Maibé, tempu seluk ita mós sei apoiu mós ba estudante seluk ne’ebé la’ós husi Vikeke ne’ebé hela iha Díli hotu”. Fernando salenta.
Fernando informa, fahe nesesidade bazika ne’e hahú iha loron 16 Maiu no fahe ona ba estudante hamutuk 60 ona fahe fos de’it, montante osan totál hamutuk $600 dolar mak sosa fos.
Iha fatin hanesan estudante benifisiariu Samuel da Cruz Xavier haktuir, sente orgullu tebes-tebes ne’ebé hetan oan apoiu fos hodi hatutan moris iha situasaun serka sanitára ne’ebé sente difikulta ba moris.
“Ami senti orgullu tanba hetan apoiu fos husi maun sira, relevante ba situasaun agora dadaun difisil tebes ita hetan hahan tanba iha parte balu ita haree kareta mós lahalai. Entaun husi foho inan aman sira labele fó osan no fos ba ami”, nia hato’o ho laran triste ho situasaun atual.
Samual relsa, husi inisiativa sira ne’e di’ak tebes bele fahe fos ba maluk estudante sira ne’ebé eskola iha Díli tuir kbiit no forsa ne’ebé sira iha.
“Maske ho fos de’it, maibé ami sente bele sustenta ona ami-nia moris liu-liu ami sira ne’ebé hela iha kost tanba ne’e ami husu obrigadu maun Fernado”. tenik nia.
Benifisiariu Samuel husi munisípiu Vikeke hamutuk ho nia alin na’in rua ne’ebé iha hela kost. Ipi/Vit.
