Covid-19 Menus, OJÉ 2021 Governu Fokus Ba Rekopera Ekonomia TL
Naunil Media (Dili), Primeiru Ministru (PM) Taur Matan Ruak, deklara banhira surtu Covid-19 menus orsamentu jeral estadu OJÉ 2021 governu sei fokus liu ba rekopera ekonomia Timor- Leste (TL).
Taur Matan Ruak deklara asuntu ne’e hafoin enkontru semanal ho Prezidenti Da Repúplika (PR), Francisco Guterres Lú OLo iha palasiu prezidensial, Nicolao Lobato Bairro Pite Dili, kuarta (17/03/2021).
“Ha’u informa ba Prezidente Repúblika kona-ba asuntu saida mak governu halo iha tempu oin mai. Ida tenke haree orsamentu suplementar hanesan ita bo’ot sira hatene Governu prepara OJÉ 2021 fokus liu ba rekoperasaun ekonomia, hanoin katak situasaun Covid-19 ne’e menus entaun ita nia fokus ne’e ba iha rekoperasaun ekonomika, soke infelismente situasaun ne’e oin seluk ita tenke hare’e ho orsamentu ba ida ne’e’’ informa eiz prezidenti da repúblika Taur Matan Ruak.
Eiz Jeneral Fitun Rua ne’e hatutan kona-ba orsamentu jerál estadu sei reforsa mos orsamentu Covid-19, nune’e dadaun ne’e ministeriu da finansas, halo hela preparasaun hodi aprezenta ba governu.
“osamentu ne’e Apoiu makas ba liña Frente, hanesan iha tinan kotuk ita fó Apoiu ba ita nia ekipa sira. Liuliu iha lojistika buat hotu ne’ebé mak sira presiza, kuandu ba iha terenu laiha problema hodi fasilita sira nia serbisu. Nune foin lalais iha sala de situasaun prepara orsamentu ida ba munisipiu rua maibe agora ba tiha munisipiu haat ka lima ida ne’e signifika presiza iha reforsu orsamentu para hakbi’it servisu diak liu tan”.dehan primeiru ministru.
Kona-ba Oje 2021 iha loron 12/12/2021 parlamentu nasional aprova dekretu númeru 26/v, ho votu á favor 44 la iha kontra, la iha abstensaun. Nune iha loron segunda 28 dezembru prezidenti atual promulga, hodi autoriza governu foti osan transfernsia husi fundu petrolíferu ho montante dolar millaun 1.89,5.jos
