JICA Apoiu Ekipamentus Prevensaun COVİD-19 Ba HNGV
Naunil Media (Díli), Diretór Ezekutivu Hospital Nasionál Guido Valadares (HNGV) Aniceto Barreto informa governu Japaun liu husi ajensia Japan İnternasional Cooperation Agency (JİCA sigla ingles) apoia material prevensaun Covid-19 ba HNGV.
“Apoia ekipamentus prevensaun hirak ne’e hanesan kontinuasaun kooperasaun entre JICA ho HNGV. Tanba JICA mós iha kooperasaun di’ak ho Ministeriu Saúde iha Timor-Leste” informa Diretór Ezekutivu Hospital Nasionál Guido Valadares (HNGV) Aniceto Barreto ba jornalista sira iha HNGV, segunda (15/03).
Ekipamentus prevensaun hirak ne’e mak hanesan: Alkol, Maskra, Hand Sanitizer, Luvas, sirurjia, no sabaun. ekipamentus hirak ne’e entrega simbolikamente husi reprezentante Japan Coorperation Agency JICA iha Timo-Leste Goto Ko ba Hospital Nasionál Guido Valadares
Diretór ne’e, garante ekipamentus hirak ne’e bele proteje profisioanal saúde sira nia servisu iha HNGV.
“Haré ba númeru kazu pozitivu ne’ebé mak aumenta loron ba loron, espera ekipamentus sira ne’e bele proteje profesional saúde sira hosi moras covid-19 wainhira halo sira nia knaar loron-loron iha HNGV”,
Nia dehan, ekipamentus sira ne’e sei koloka ba iha profesional saúde sira ne’ebe servisu ba kontrolu no prevensaun ba moras infeksioza, Farmasia, Nutrisaun, no Departementu apoiu klinika, no Diagnoza. Lsp
