Ikus LiuPolitika

Durante Fulan-6 Xefí Aldeia 11 Suku Gugleur-Maubara Seidaúk Simu Salariu

Fahe Tutan

Naunil Media (Liquiçá), Reprezentante xefi suku Jonio Gonçalves dos Santos husi Aldeia Lissa-Lara Suku Gugleur, postu administrativu Maubara, munisipiu Liquiçá , deklara durante fulan neen (6) ona, sira nain-sanulu resin ida seidauk simu salariu.

“Durante fulan neen (6) ona ami kuaze xefi aldeia 11 iha suku Gugleur to’o ohin loron seidauk simu salariu” informa xefi aldeia Lissa-Lara ba jornalista Naunil Media via telefone, kinta (18/03/2021).

Lideransa komunitariu ne’e deklara, maske durante ne’e sira la simu salariu maibé sira nafatin kumpri dever hodi hala’o serbisu.

“İha situasaun estadu emerjénsia buat hotu paradu liu liu asesu merkadu, transporte laiha oinsá atu lori produtu ba merkadu susar atu hetan osan iha situasaun hanesan ne’e” nia preopkupa.

Iha biban ne’e nia-parte husu ba ministeriu kompotente presiza tau atensaun ba problema hirak ne’e, atu labele fo implikasaun ba sira-nia serbisu nu’udar autoridade lokál.

Suku Gugleur munisipiu liquíçá hamutuk aldeia sanulu resin ida kompostu husi, Palistla, Dair, Puquelete, Lauvou, Raenaba, Lissa-Lara, Lautecas, Caicasa, Vatumori, Lebulugor, Erito .Lop

Leave a Reply

Your email address will not be published. Required fields are marked *