Ikus LiuSeguransa

FONGTIL : ‘Durante Serka Sanitária UPF Kontrola Liña Fronteira 24 Oras’

Fahe Tutan

Naunil Media (Dili),Observador Forum Ong Timor-Leste (FONGTIL) iha munisipiu Covalima Bendito Amaral Barros deklara tuir nia-observasaun durante ne’e servisu Unidade Polisia Fronteira (UPF) halo kontrolu ba liña fronteira durante 24 oras.

“Durante serka sanitária UPF halo kontrolu iha liña fronteira iha munisípiu Covalima durante 24 oras , nunee durante ne’e la iha ema tama ilegal’’ informa observador ne’e ba Jornalista sira iha konferensia imprensa iha salaun FONGTIL Caicoli, kuarta (17/03).

Nia deklara dadaun ne’e iha postu neen (6) husi munisipiu Covalima hanesan; posto Tilomar, Fohorem, Maucatar, Suai Villa, Fatululik no Zumalai, la implementa ona Serka Sanitaria. Nune posto Fatumea sei implementa Serka sanitária to’o loron 21 fulan Marsu 2021.

‘‘Postu polisia agora dadaun muda ba área fronteira postu Tilomar no posto Fatumea nomós área fornteira postu Fohorem ho posto Fatumea, nafatin halo kontrolu ba sidadaun sira.” nia deklara.

Nia mos deklara ‘‘servisu saúde nian iha munisípiu Covalima nafatin lao beibeik fahe informasaun ba komunidade sira kona-bá situasaun covid-19 nomos halo kontrola no tes swap ba komunidade ne’ebé tama iha kuarantena tanba kontra regras serka sanitaria. Inklui halo tes swap ba komunidade sira ne’ebé ba konsulta moras seluk’’ nia deklara.

Total dadus iha karantena munisipiu Covalima durante implementasaun serka sanitária hamutuk lima nulu resin ualu (58, kompostu sidadaun ne’ebé kontra regras sanitária inklui pesoál saúde sira ne’ebé halo tes swap ba komunidade iha área fronteira.LPS

Leave a Reply

Your email address will not be published. Required fields are marked *