Governu Labele Hasai Osan Hala’o Dezemvolvimentu Tanba Covid-19
Naunil Media (Díli), Primeiru Ministru (PM) Taur Matan Ruak, deklara governu labele hasai osan hodi halao dezemvolvimentu, tanba surtu mundial covid-19.
Xefi ezekutivu deklara asuntu ne’e hafoin hasoru malu semenal ho Prezidente Repúblika (PR) Francisco Guterres “Lú Olo” iha Palásiu Prezidente Nicolau Lobato Bairu-Píte, Kinta (17/03).
“Dezenvolvimentu paradu tanba moras Covid-19, ita boot sira haree iha ne’ebé mak governu ida tau tiha osan tuur no toba fali, Maibé governu nia hakarak ne’e oinsa mak ezekuta orsamentu hala’o dezenvolvimentu presta serbisu ba ita nia sidadaun sira”, hateten eiz prezidenti da repúblika Timor-Leste Taur Matan Ruak.
Eiz maior jeneral fitun rua ne’e argumentu, atu ezekuta orsamentu ba dezemvolvimentu iha nasaun ida presiza hare ba situasaun real, atu nune’e labele fo implikasaun ba prosesu dezemvolvimentu.
“Dezenvolvimentu la’ós Paradu totál maibé limita tiha buat balun, tanba ho pandemia Covid-19 ne’e, maibé situasaun ne’e sei ultrapasa tanba Timor-Leste rejista tiha ona kazu covid-19 kuaze tinan ida enkuantu nasaun seluk ema mate lubuk ona”,hatuan funu nain ne’e.
Nia mos husu ba membru governu sira atu nafatin halo serbisu ho di’ak, banhira primeiru ministru sei assume nia kargu.
“Komandante mak primeiru ministru ne’ebé hotu-hotu tenke konfia komandante ne’e, kuandu komandante halai uluk ona ne’e soldadu idak idak halo ninia servisu”,dehan Taur. Jos
