Covid-19, Aguia Oferese Nesesidade Bázika Ba Estudante Uatolari Oan Iha Kost

Naunil Media (Díli), Relasiona implementasaun Serka sanitária ba Prevensaun Covid-19 sidadaun husi postu Adiministrativu Uatolari, munisípiu Vikeke Aguia Belo Ximenes ho nia família inisiativa oferese  nesesidade bázika  ba estudante Uatolari oan ne’ebé hela kost sira iha munisípiu Díli ho situasaun sira ne’e labele husik estudante sira hasoru sofre.

Sidadaun husi postu Adiministrativu Uatolari, munisípiu Vikeke Aguia Belo Ximenes ba Naunil Media  hafoin halo distribuisuan nesesidade baziku ba estudante sira, iha nia rezidénsia, Palpasu, sexta (19/03).

Aguia hatete,  inisiativa ida ne’e privadu hanesan mós ema Uatulari oan hakarak ajuda ba Timor oan hotu, maibé sukat ba kbiit mak la subsente nune’e ajuda ba  Uatulari oan.  ajuda estudante  sira  atu augenta moris iha ámbitu   lockdown, estudante sira la bele hetan hahan, husi foho mai Díli no inan aman mós labele haruka osan mai tanba  situasaun ne’e obriga timor oan hotu ne’ebé mak iha kbiit uitoan tau hamutuk atu bele ajuda estudante sira.

“Inisiativa hau ho hau-nia feen nia kompa~nia mak  fó apoia ba alin estudante sira ne’ebé husi Uatulari oan tanba apoiu ne’e la barak ida. Apoia ne’e atu fó ba estudante sira mak hanesan fos ho supermi  no sabaun  nune’e bele augente hein  governu ninian tulun tan, tanba governu mós planu atu fó apoiu ba estudante sira.  Maibé, situasaun agora ita mós labele husik sira hein ajuda ne’e tomak ita mós bele halo buat ruma, ami halo dadaun karik governu ninian tulun ne’e to’o ona”, dehan Aguia

Nia hatutan, apoia sira ne’e  la’ós apoiu husi organizasaun naun govermental (ONG), maibé ne’e apoia pesoal nu’udar ema umanu tulun maluk sira ne’ebé emprenta susar liu-liu iha situasaun serka sanitária agora dadaun ne’e difikulta tebes ba estudante sira ne’ebé hela iha kost.

“Apoiu ne’e tanba ita haree husi alin estudante sira  komesa hakilar ona dehan ami hahan la iha, entaun ita mós labele taka matan iha uitoan ba mós ita fó netik uitoan ba estudante sira  hanesan ha’u-nia  esforsu”, tenik Aguia

Iha fatin hanesan, Estudante benifisiariu husi Uninversidade de Dili (UNDIL) Jacinta de Fatima haktuir,  situasaun Covid-19   ne’e espalla iha  Timor-Leste difikulta tebes ba estudante tanba inan  aman sira labele haruka osan no hahan tanba transporte sira la halai.

“Apoiu husi maun no bin sira-nia ne’e  suporta no hakbiit tan ami,  ami sente kontente tebes tanba fó ona hahan uitoan ba ami bele utiliza ba semana ida ka rua nia laran ami bele augenta netik. Ami kost na’in-tolu ami-nia hahan komesa menus ona. Ami  husu agradese ba bin no maun sira ne’ebé mak ajuda ona hahan uitoan ona ba ami”, nia realsa.

“Dadaun ne’e ha’u iha kost iha Kintal Boot husi  fulan fevereiru konsege selu,  maibé tama ba fulan marsu nian ami la bele selu ona tanba osan laiha kada fulan selu   $ 50. Nune’e ha’u agora ba hela hamutuk fali ho bin sira iha merkadu Taibessi”, dehan Jacinta.

Tuir observsaun Naunil Media iha distribuisaun nesesidade  báziku ne’e Aguia ho espoza ofesere lista ba estudante sira atu simu nesesidade báziku aprejenta identidade Kartaun Eletoral no kartaun estudante nian hafoin oferese hahan ba estudante sira ne’ebé hela kost.  Ipi